Matétarabá Jeobá alí Jesús jiti ta ku niyúbitami nipo

¿Piri problemas mi olá sinibí rawé? ¿Ami sinibí bineri mujé upila alí mujé kúchuwala alí nocha japi ikí mi olá nóchili? ¿Ami bineli weeli echi kúuchi alí mi jilí niraa jiti mi ke olá wenomí? ¿Ami simíami ju escuélachi alí echi kuuchi mi risoa olá? ¿Ami nayúa iyena o ami ma ochérami ju? Sinéami a ti olá problemas, nalí a nirú hermanos japi simérika we olá problemas. Ata machí japi ma mulipi ma ke olabo echi problemas japi ta olá jipi jiti Jeobá tamujé niyúbima (2Co 4:16-18, TNM).

Kecho kaachi echalí rawé, ata we kanili machiyá japi Jeobá a machí japi ta ikí, we natéami niraa jiti ta we aʼlá nijéwiami ju alí anáchami, alí aní japi ta wiká namuti narepo pe aminana (Jer 29:11, 12). Jesús ayénachó risoa nila tamujé risoa ikíachi. Ata nokisáaká japi echi tamujé nulé, echi ko jéaní: “Nijeni ʼyemi mi yuwa atí” (Mt 28:20). Ata natásaká japi chúriká ta pirélipo japalí nulasa echi Silíami japi Onorúami wilali, ata echi riká buwea pirélisaká ata iʼwérili nokiboa anacha japi ta ikí (Ro 8:19-21).

INEPO ECHI VIDEO JÉANÍAMI NIRÚLISA PROBLEMAS INEPO JAPI ISILI JESUCRISTO ALÍ JAPI ISÍMARÉ, ALÍ ANÍ JAPI TI MI NÁRIPORÉ JENAʼÍ:

• ¿Piri nokali echi pagótami jiti ma ke nijéwima Onorúami, alí piri ikili?

• ¿Piri namuti narema pe aminana japi a nijéwami ju ko Jeobá?

• ¿Jepi ka isili japi tamujé a oméripo jiti ta sinibí pirélipo pe aminánami we baʼóachi?

• ¿Piri ka mi ko ma kanílisa nili japi ikimea echoná Wichimóbachi ma we baʼóachi?