Ami omeri isiá japi mujé téemala aminabi kaníliami nima

Jeobá ko nakí japi echi niwíkami alí echi kúchuwala kaníliami nima (Sl 127:3-5; Ec 9:9; 11:9). Nalí isini kaachi ko, ati wiká namuti natia iyena o ati noká namuti japi ke aʼlá ju, alí echi isímiré japi echi téemala ma ke me kaníliami nima. Jiti la, ¿piri isísaré ibili niraa jiti sinéami echi téemala aminabi kaníliami nima?

Bilé we aʼlá kunala we natéami niraa iné echi upila (1Pe 3:7). Wilí napawika simiri echi yúa, ke ané japi isima namuti japi echi ko ke omeri isiá alí matétara iyá japi isimí echi jitra alí echi téemala (Col 3:15). Ayénachó ané japi we galé alí japi we simá isíami ju (Pr 31:28, 31).

Bilé we aʼlá upila iʼwérili isimí iʼwiria echi kunala (Pr 31:12). Ayénachó, echi ko nijewi japi aní echi kunala (Col 3:18). Simárika raʼichi alí aʼlá namuti aní echi jitra japalí raʼicha jarecho yúa (Pr 31:26).

Japi we aʼlá wénwala ju napawika simari echi kúchuwala yúa (Dt 6:6, 7). Ané japi we galé (Mt 3:17). Ayénachó, echi ko aʼlá machí chu kabú alí chúriká raʼámima echi kúchuwala, nalí sinibí echi ko néwariwéliti japi we galé (Ef 6:4, TNM).

Echi japi we aʼlá kúchuwala ju nijewi alí riwiwi echi wénwala (Pr 23:22). Ruyé echi wénwala japi nata alí japi inili. Nijewi echi busuréliami alí we natéami niraa iné echi wénwala (Pr 19:20).

MA INESA ECHI VIDEO PIRI NOKISARE ECHI TÉEMALA JITI KANILIA PIRÉLIMA, ANISÍ JAPI TI MI NÁRIPORÉ JENA’Í:

¿Piri isili ibili niraa jiti echi téemala we kaníliami nima?