Japi mi isísaré kecho chotasia binea

Japalí ti biné echi Biblia, ati nakí japi echi namuti japi ta biné Jeobá jitra, nawama tamujé sulálachi alí tamujé natáala. Jiti la ti nokisáré japi riká Esdras, japi “aʼlárika nátili echoná binoy sulálachi binemia echi Jeobá Nulalila” (Esd. 7:10). ¿Chúriká mi echi riká cho isima?

Raʼichá Jeobá yúa. Kecho chotasia binea, tani Jeobá japi mi iʼwírima aʼlá inamia alí nijewia japi mi biné (Sal. 119:18, 34).

Ke niráami nii. Onorúami ko ke iʼwiri machiyá echi bichíwali echi japi niráami ju alí japi nata japi binoy ko we machíami ju (Luc. 10:21). Kiti biné jiti mi néwariwélitinali jarecho japi mi we machíami ju. Japalí mi leérisa bilé namuti japi mi ke aʼlá isimí, ke niráami nii alí aʼlá ku isí.

Kipú bilé echi canciones japi ta olá. Echi música isimí japi ta simá nílipo ne sulachí jonsa alí tamó iʼwiri jiti walubéala anénalipo Jeobá. Jiti la, ata kipúsaká bilé canción kecho bijí chotasia leeria echi Biblia, echi ko tamó iʼwírima natia Jeobá jitra alí echi namuti japi ta biné nawama tamó sulálachi.