¿Chusiá suwí echi pagótami?

8 Onorúami Jeobá ko nakiyé japi echi rejoy niwama omáana Wichimóbachi we baʼóami kiti sinéami kanílima riweili (Génesis 1:28).

Echi pagótami a omerma riweili sinibí pirea Arani alí Eba a nijéwiami níisaká Jeobá. A aneiru japi ke ukuma echi rakala echi aʼlá machiwáami alí chati (Génesis 2:15-17).

9 Bilé ánjel chati ayenli alí néeli bilé sinói kiti Eba alí Arani ke nijéwima Onorúami (Génesis 3:1-6).

10 Echi ko rewaliwa ‘sayawi [sinói] kiʼyáwala’, Riablo alí Satanás echi ánjel japi ékili Eba (Apocalipsis 12:9).

11 Echi niwíkami japi mochili echoná Wichimóbachi baʼóachi Jeobá ko machí awali kiti ke nijéwami nili (Génesis 3:23, 24).

12 Arani alí Eba a olali kúchuwala, ke pi wesi kaníliami nili pa (Génesis 3:17, 18).

13 Ochérami nilísima riweili alí suwimea riké, echi riká japi riká aneli Jeobá (Génesis 3:19; Romanos 5:12).

14 Suwili japi riká echi namuti jákami.

Sinéami japi iwila suwí (Salmo 146:4; Eclesiastés 3:18-20).