Onorúami ko suwábili echi pagótami chati

18 Echi Arani kúchuwala wiká muwésili. Ayénachó we chati ayenli. Onorúami ko koʼwináaili (Génesis 6:1, 5, 7).

19 Pe be a niruili bilé rejoy aʼláala japi Noé rewéami nili (Génesis 6:8, 9).

Onorúami Jeobá ko aneli kiti niwama riweili bilé waʼlú kajoni japi bawechi moba ayé inama reweili kiti niyuma riweili, echi binói alí echi upila alí echi japi yúa pireili echoná echi bitélachi, japalí echi cheti chati suwimea riké. Jepuná kajoni ko bilé arka rewairu (Génesis 6:13, 14).

20 Echi ko wiká namuti jákami moʼali echoná árkachi (Génesis 6:19-21).

21 Jeobá isiili kiti né wabé walubé ukumea. Sinéami pagótami echi cheti chati suwili. Echi japi mochili ko echoná árkachi a niyúbili. ¿Ami machí chusiá? (Génesis 6:17; 7:11, 12, 21; 1 Pedro 3:10-12.)