Binelíwami 1

Chúriká mi oméroma binea japi Onorúami taní

¿Piri raʼíchali we natéami olá echi Biblia? (1)

¿Jépuká níali ju echi Biblia natáala? (2)

¿Chúmisiá binésaré echi Biblia? (3)

1. Echi Biblia ko ju bilé chiliwéliami we natéami japi Onorúami nijí. Japi riká bilé oserúami ju japi bilé onó we nakíami osii abói kúchuwala. Raʼicha né bichíwali Onorúami kitra: jépuká ju alí chu iyiri ju echi nuláala. Raʼicha japi chúriká anachaba echi namuti chati alí chúriká riwiboa echi kaníliwami né bichíwali. Echi Biblia bi aní piri ta nokisáré kiti ta kanílitipa Onorúami (Santiago 1:25; Apocalipsis 1:3).

2. Echi Biblia ko oserúami nili 40 pagótami kitra alí chótali osayá echi bamíali 1513 c.t.r. alí aminá 1,600 simírami bamíali nokali osayá. A olá 66 oselí. Onorúami ko machírtili echi osáami piri osimea, echi ko aniwáami ju kiti osali echi Onorúami natáala alí ke ko echi abói natáala. Kiti bela echi Biblia ko ke raʼicha japi echi pagótami nata, nalí raʼicha echi Onorúami natáala (2 Timoteo 3:16, 17; 2 Pedro 1:20, 21).

3. Jipi ko a nirú Biblia kiti Onorúami né aʼlá tibuli kiti ke suwábitami nima alí kiti wiká niwama japi iyiri echi. Echi Biblia ko wiká niwaliwa, echi jarecho oselí ko pe ke me. Japalí mi binesa echi Biblia tasi sinéami kanílima, we nalí be ke mi siné riwésaré binea. Ami né sinibí bitélimalé, ami machisáaká Onorúami alí ami né anáchaka nijéwisaká tákoré mi risoa aneliwi (Mateo 5:10-12; Juan 17:3).