Binelíwami 13
¿Chu iyiri bichíwiliami né bichíwali ju?
¿A kaléiré Onorúami suwaba bichíwiliami, we chakó bilepi bi oké? (1)
¿Chúsiá nirú wiká bichíwiliami japi Jesús najátami ko ruyá aní? (2)
¿Chúriká mi oméroma machiyá jépuká ju echi né bichíwali Jesús najátami? (3-7)
1. Jesús ko niwali bilepi bichíwiliami né bichíwali. Kiti bela, jipi rawemti bilepi bichíwiliami né bichíwali nirúlisaré (Juan 4:23, 24; Efesios 4:4, 5). Echi Biblia bineri japi okuáabi ju echi pagótami japi sinibí piréliwami narema (Mateo 7:13, 14).
2. Echi Biblia anili japalí ma suwisaa echi julárami, kilipi kilipi niraa jaré pagótami japi echi Jesús najátami yúa napawili, binérima riké binelíwami ke bichíwali alí echi cha nokiwáami. Nirúlima riké pagótami japi ékima echi bichíwiami kiti riwema najatia Jesús (Mateo 7:15, 21-23; Hechos 20:29, 30). Kiti bela ta ritiwá wiká bichíwiliami japi Jesús najátami ko ruyá aní. ¿Chúriká ta oméropa machiyá jépuká ju echi Jesús najátami né bichíwali?
3. Echi Jesús najátami né bichíwali ko machiwáami ju kiti anakupi niraa nakiká noká (Juan 13:34, 35). Tasi binériwa japi echi ko we natéami ju alí jarecho ko ke me, tákoré rosákami ke chókami ma. Kecho binériwa kichía pagótami jaréana chomi piréami (Hechos 10:34, 35). Tasi nakowa jarecho yúa. Echi Jesús najátami né bichíwali anakupi niraa nakiká noká japi riká bachirúami alí ochirúami (1 Juan 4:20, 21).
4. Ayénachó bilecho namuti kitra japi ta machíriwa chu iyiri ka echi bichíwiliami né bichíwali echi ko ju japi riwiwi echi Biblia. A bichiwi japi Onorúami Raʼicháala ju alí bichiwi japi aní (Juan 17:17; 2 Timoteo 3:16, 17). Echi ko we natéami niraa ineni echi Onorúami Raʼicháala alí ke japi echi pagótami mayé (Mateo 15:1-3, 7-9). Alí we jiwérili noká nijewia sinibí rawé japi riká bineri alí né echi riká noká (Tito 1:15, 16).
5. Echi japi a noká ko bichíwiliami né bichíwali ayénachó binérisaré alí riwíwisaré echi Onorúami rewalá (Mateo 6:9). Jesús ko binérili echi Onorúami rewalá, Jeobá, alí echi Jesús najátami né bichíwali echi riká cho nokisáré (Juan 17:6, 26; Romanos 10:13, 14). ¿Jépuká ju echi japi bineri echi Onorúami rewalá mujé bitélachi ayé?
6. Echi japi né bichíwali Jesús najátami ju ko ayena a raʼichásaré echi Onorúami Gobiérnowala kitra. Echi riká isiili Jesús. Echi ko sinibí raʼíchali echi Onorúami Gobiérnowala kitra (Lucas 8:1). Ayénachó nuleli kipi najátowala japi raʼichama echi Gobierno kitra omáana kawichí (Mateo 24:14; 28:19, 20). Echi japi né bichíwali Jesús najátami ju ko a bichiwi japi Onorúami Gobiérnowala bi ju japi pama echi kilii níliwami alí ke majawíami jenaʼí Wichimóbachi (Salmo 146:3-5).
7. Echi Jesús najátami ko ke noká japi noká echi pagótami chati (Juan 17:16). Tasi noká suwaba japi política aneliwa, kecho naʼáwaka noká kariwea echi cha ikiwáami. Ke noká echi namuti chati japi noká echi pagótami, kecho nata japi riká echi (Santiago 1:27; 4:4). ¿Ami machí bilé bichíwiliami japi isimí echi namuti alabé japi aniwá jenaʼí alí japi né bichíwali néwariwéliti japi Jesús najátami ju?
[Iyóktami/Foto japi uchuwi echoná página 26, 27]
Echi né bichíwali Jesús najátami ko nakiká noká anakupi niraa, riwii echi Biblia alí ruyé echi Onorúami Gobiérnowala kitra