Echi Onorúami amígowala ko ke noká japi chati ju

Tamujé ko misúliwa Satanás kitra kiti ta nokiboa japi chati ju. Ami Onorúami amígowala nínalaká, ami kichísaré japi Jeobá kichí (Romanos 12:9). Jepuná ko ju jarecho namuti japi echi Onorúami amígowala ke isísaré:

Nasawíliami. “Chabé kiʼyá Riosi jepuná jerigá nulali: Ke tasi tamo chuwé birétari yúa kochisí.” (Romanos 13:9.) A nasawíliaká japalí kecho niwíkami nísiwa ayénachó chati ju (1 Corintios 6:18).

Rikulíwami. Echi ‘tékuli ko ke tasi narema echi namuti alabé japi nijima echi Onorúami gobiérnowalaʼ (1 Corintios 6:10).

Miʼliwáami alí bochokásiliwami. “Ke mi miʼlísaré.” (Éxodo 20:13.)

Chikówami. ‘Ke mi chikósaré.ʼ (Efesios 4:28.)

Ikaléwami. “Ke tasi yékaka raʼichasi anakupi.” (Colosenses 3:9.)

Nakolia alí we iyóami níliwa. Jeobá ko “kichí echi japi we nakí echi nakówami” (Salmo 11:5). Ayénachó “echi pagótami chati orá” alí “we yáati wabé naʼawa” (Gálatas 5:19, 20).

Jiráliami. “Ke tasi [...] napawipo auché bilé yúa mapu wabé korúkami ju.” (1 Corintios 5:11.)

Kichiwa pagótami. “Né aʼlá karesi echi jaré yemi asayérawara [...]. Ayénachó Riosi yúa tániga raʼichasi echi jaré kiti mapu yemi mi wabé kichiga.” (Mateo 5:43, 44.)

Echi namuti japi Onorúami nulá echi ko ju kiti ta we aʼlá kanílika pirélipa. Né wabé jiliro riwelía namuti japi ke aʼlá ju, na jónali Jeobá alí echi Testígowala mi a kuʼíroma kiti mi a oméroma riwea echi namuti japi Onorúami ke kalé (Isaías 48:17; Filipenses 4:13; Hebreos 10:24, 25).