Bilé ejemplo ruyeka bineri

Mateo 13:34, 35

JAPI MI BINEMA: Japi riká mi we aʼlá binérima, natá chumi iyiri ejemplo ruyema jiti echi japi mi kipúa muchuwi aminabi machinálima japi mi iyiri bineria wilí. Ruyé bilé ejemplo jiti mi we aʼlá binérima echi namuti we natéami.

CHUMI RIKÁ ISIMA

• Ruyé echi ejemplo japi a inámisaré. Isí japi riká isili Jesús: echi ko binérili namuti japi we natéami nili alí néeli ejemplo japi ke jilí nili inámilia. Kiti né wiká namuti raʼichá japalí mi bilé ejemplo ruyea wilisaa. Nárika isí: “¿Chu ni iyiri ejemplo néema jiti ni aʼlá binérima?”; echi riká mi isísaká, echi pagótami japi kipúa muchuwi aʼlá námima japi mi bineria wilí.

• Natá echi pagótami jitra japi mi kipuma. Nárika isí: “¿Chu iyiri namuti ma machí echi pagótami? ¿Piri iyiri noká echi pagótami japi ni binérima? ¿Piri iyiri namuti machinali echi pagótami?”. Kiti ruyé echi ejemplos japi ke aʼlá ju, jiti ke cha nílima echi pagótami.

• Ruyé echi namuti japi we natéami ju. Bilé ejemplo ruyeka bineri echi namuti japi we natéami ju; kiti ruyé ejemplo japalí mi ke me natéami binérima. We aʼlá bineri jiti newalama echi namuti we natéami, ke ko echi ejemplo bi japi mi ruyeli.