Bilé ejemplo ruyeka binéripo

Japalí ta bineri echi pagótami ata iʼwíripo jiti we aʼlá námima japi we natéami ju. Ata néesaká ejemplos, we aʼlá binema alí we aʼlá ku newalama japi bineli.

Japalí mi binea atí japi mi binérima echi pagótami, ami áasaré raʼíchali japi we natéami ju, alí japi ke me natéami ju ko ke me japi mi iyiri binérnali. Ejemplos nee japi ke jilí ju (Mt 5:14-16; Mr 2:21; Lu 14:7-11). Ami machisare piri namuti ma machí echi pagótami (Lu 5:2-11; Jn 4:7-15). Mujé ko we kanílima japalí mi iné echi pagótami japi we aʼlá inámili japi mi bineri.

INEPO ECHI VIDEO JEANÍAMI ATA KANÍLIAMI NIPO ATA BINÉRISAKÁ. SINIBÍ BINÉRIPO ECHI PAGÓTAMI: BILÉ EJEMPLO RUYEKA BINÉRIPO, ALÍ ANISÍ JAPI NÁRIPORÉ JENAʼÍ:

• 

  ¿Chúsiá echi pagótami newalé japi ta iʼwíripo jiti aʼlá moʼama japi aní echi Biblia?

• 

  ¿Piri ejemplo néeli Rita jiti aʼlá ruyema japi aní Romanos 5:12?

• 

  Japalí ta aʼlá nee echi ejemplos, ¿chúriká aʼlá iʼwiri echi pagótami?

• ¿Chúsiá ta néesaré echi videos alí publicaciones japalí ti bineri echi pagótami?