Natá echi pagótami jitra

Japi isili Jesús

VIDEO: Jesús ko bilé mukí yúa raʼicha echoná payéwichi

1. Iné echi VIDEO o leeri Juan 4:6-9, alí biné jepuná preguntas:

1. ¿Piri iyiri ineli Jesús kecho chotasia raʼichia echi mukí yúa?

2. Jesús ko jéaneli: “Tamí pée ta baʼwí ʼya”. ¿Chúsiá we aʼlá ju japi Jesús echi riká chotásili raʼichia?

¿Piri ta biné japi isili Jesús?

2. Ati raʼichásaká echi namuti jitra japi echi pagótami machinali, a keʼré japi echi ko aminabi raʼichánilima tamujé yúa.

Isí japi riká Jesús

3. Kiti natá bi mujé jitra. Chotá raʼichia echi namuti jitra japi machinali echi pagótami, ke ko japi mujé raʼichánali. Jiti bela kiti natá bi japi mi iyiri kanílisa nili raʼichia, nalí nárika isí:

1. “¿Piri iyiri noticias machina?”.

2. “¿Piri iyiri raʼicha japi mulipi piré japoná ni bité, japi ni yúa nocha alí japi tamí yúa muchuwi echoná escuélachi?”.

4. Aʼlá iné. Nárika isí:

1. “¿Piri isiá iyena echi rijoi o mukí? ¿Piri iyiri natia iyénilé?”.

2. “¿Chúsiá aʼlá ju japi ni inema echi napáchiwala alí japi riká piré jiti ni machimea piri bichiwi o chúriká noká japoná piré?”.

3. “¿Achi ikiro raʼichia echi rijoi o echi mukí?”.

5. Aʼlá kipú.

1. Kiti me raʼichá.

2. Riwé japi raʼichama echi japi mi yúa raʼichia wilí. Japalí ma aʼlá nisa, bilé namuti nari.