Sinibí binéripo echi pagótami: Raʼicha jiti mi binérima echi pagótami

Jesús ko bachá raʼíchili echi mukí samaritana yúa jarecho namuti jitra alí ma binérili echi Onorúami gobiérnowala. ¿Chúriká ta oméropa we aʼlá yúa raʼichia echi pagótami japi ta ke machí? ¿Piri ka ta aneba bachá?

• Simá riká raʼicha echi pagótami yúa japi mi narepi. Tákoré Jesús risiyá niili, ayena a chotásili raʼicha. ¿Chu isili? Bachá ko, anili ‘tami iyá baʼwí jiti ni bajimaʼ. Mujé ayénachó chotásima raʼichia jaré namuti nárika, japi riká aniyá: “kuira ba, japi we simárika chiʼléali jipi”, jarecho ma namuti jitra. We natéami ju japi ta chotásipa raʼichia bachá nárika jaré namuti, echi riká nokisaka echi pagótami ayénachó mi yúa raʼichama. Ke mi raʼichisa ka, kiti chibi la. Nalí raʼicha jarecho pagótami yúa. Tani Jeobá japi mi kuʼírima jiti mi ke cha nílima (Ne 2:4; Hch 4:29).

• Ami ritiwá bilé japi mi yúa raʼichama echi raʼíchali kalabé japi Onorúami nawesa, nalí kiti sapú ané japi mi raʼíchima echi Biblia jitra. Bachá raʼicha jarecho namuti jitra. Kiti sapú nawaká bi binérisaká echi Biblia; echi riká mi isísaká ma ke raʼichama mi yúa. Japalí mujé raʼichasa bilé yúa nalí ma ku simisaa kiti chibi la ke mi yúa raʼichasa ka Jeobá jitra. A mi majaa nili binérimia echi pagótami japalí mi bineli iyena nawesa, pe raʼichá bi chíkoré mi ke binéripa. [Inepo echi video 1 alí anisí piri tamí ineli].

• Raʼichia ko mi bineri japi aní echi Biblia. Ruyesa ka mi echi pagótami japi mi Biblia binéami ju, echi riká anewa, mi nárima. Echi riká isili Jesús, aneli bilé namuti echi samaritana alí echi ko ku nárili. Japalí Jesús raʼíchili Onorúami gobiérnowala jitra, ayénachó ruyeli chu iyiri ju respuesta japi echi mukí nárili. [Inepo echi video 2 alí anisí piri tamí ineli. Ayénachó, echi riká cho isí echi video 3].