¿Chumi riká animea nijía echi tratados?

Enero 2018 jona, echi oselí Nokiboa japi riká isili Cristo chukú bachá página japoná jéaní “Japi ta aniboa japalí ta nawisasia simía”. Ata aneliwa japi ta yúa raʼichabo echi pagótami ke bi nijibo echi publicaciones. Jiti ta echi riká nokiboa, ata iné videos Japi ta aniboa japalí ta nawisasia simía echoná iné japi Biblia bi leérika bineri. ¿Ke che iyabo oselí echi pagótami japalí ta nawisasia simía? Ayena a nijibo. Japi riká echi tratados echoná we aʼlá ruyé japi chúriká chotásipo raʼíchia echi pagótami yúa. Jenaʼí mi machimea chúriká ju bachá:

1. Nari echi pregunta echoná portada chukúami alí nari chu iyiri machinalia.

2. Riwiri texto bíblico japi echoná okuá página osorúa chukú. A ikíriakó leérili japi aní echoná, leérili japi aní echi tratado.

3. Nijí echi tratado, jéané japi leérima japalí a ikírisa.

4. Ke cho ku simiba, ineri echi pregunta jéaníami “Ami nárika ijósiré isini kaachi”, jéané japi mi checho ku nolínima ruyemia echi Biblia.

Checho ku nawayá binérimia, ruyé japi aní echi respuesta alí nari bilecho pregunta jiti mi checho ku nawama ruyesia. Ayénachó aa pregunta página internet o echoná folleto japi chukú ma suwéena echi tratado. A ikíriaká bineri japi aní echi folleto Raʼíchali kalabé japi Onorúami nawesa o jarecho publicación japi mi muchuwasa simí nawisasia japi bineri echi pagótami.