Chúriká nepo echi sección “Japi ta aniboa japalí ta nawisasia simía”

Enero 2018 jonsa echoná Oselí japi binepo echoná napawíliachi Nokiboa japi riká Cristo uchari echi sección “Japi ta aniboa japalí ta nawisasia simía”. ¿Chúriká ta neepo echi sección?

Asignaciones japi nijima japi binériami ju. Ata aniboa echi pregunta japi echoná oserúa chukú, echi texto alí echi pregunta japi checho ku simea ruyesia. Webe nalí ke mi anisare né suwaba palabras japi riká aní echoná videos. Ata oméropa sinú riká chotasia raʼicha, bilecho ejemplo aniyá alí japi aniboa ke binénilisa echi pagótami. Tákoré ke anisaa echoná Oselí japi binepo echoná napawíliachi ayénachó omero nijía jaré oselí japi mi muchuwasa simí nawisasia.

Japalí ta nawisasia simí. Echi sección “Japi ta aniboa japalí ta nawisasia simía” tamujé bineri chúriká raʼichabo echi pagótami yúa. Japalí bilé pagótami a binénilisa a bijí echi yúa raʼichabo alí anepo japi aní echi pregunta japalí che ku simí binérisia. Ayénachó tamujé aboi natabo piri jitra raʼichabo echi pagótami yúa. Náripo jepuná: ¿Piri tema alí texto aʼlá kipuma echi pagótami? ¿Achi nirú bilé noticia o jarecho namuti japi echi pagótami raʼichánali? Echi riká ta nokisaa ata nokiboa japi riká Pablo anili: “aʼlí nijeni suwaba jeʼná jerigá olá mapurigá echi Galabé Riosi Raʼíchala waminabi nawisárami níima” (1Co 9:22, 23).