Nokiboa japi riká isili Cristo

Sinéami tamujé aʼlá anachabo japi riká Jesús echi ko anáchili japalí risoa olárami niili (1Pe 2:21-23). Jesús ko tasi ku nimili risoa oliwaa, tasi cho ku nimili iyóniwa (Mr 15:29-32, TNM). ¿Chúsiá a anáchili? Jiti Jeobá bi nijéwinili (Jn 6:38). Ayénachó machili japi we kaníliami nima nijéwisaká (Heb 12:2, TNM).

¿Chumi nili japalí bilé mi risoa olasa jiti mi nijéwampa Jeobá? Echi testigo ko ke tasi kuwana ku nimiwi japalí jaré “yemi mi wabé chati chibi olá” (Ro 12:14, 17). Japalí ta risoa olásiwa japi riká olaari Jesús ata anachásaká cho we ti kanílipo jiti ta machí japi ta Onorúami nijewi (Mt 5:10-12; 1Pe 4:12-14).

INEPO ECHI VIDEO JEOBÁ NIJÉWAMI NALÍ WE NATÉAMI JU, ANÍ JAPI MI NÁRIPORÉ JENAʼÍ:

• ¿Piri isili echi hermana Poetzinger japalí pachá cárcel asali?

• ¿Chu oliiri echi hermano alí hermana Poetzinger japalí pachá cárcel mochili?

• ¿Chúsiá anáchali?