¿Ata we natéami niraa iné echi Biblia?

Japi aní echi Biblia Onorúami natáala ju, jiti la Jeobá níali ju na libro we natéami (2Pe 1:20, 21). Japalí echi Biblia we aʼlá ruyé japi Onorúami bi ju japi nulésaré néeka echi silíami japi echi wilali ata machí japi pe aminana we kanílika pirélipo. Ayénachó echoná aní japi Jeobá we tamujé nakí (Sl 86:15).

Sinéami tamujé we natéami niráa iné echi Biblia. ¿Ata sinibí rawé leeri echi Biblia alí nijewi japi aní echoná? Ata né echi riká nokiboa japi ta nili japi riká cho anili echi salmista: “¡we ni kanili binea japi mujé tamí bineri!” (Sl 119:97).

INEPO ECHI VIDEO ATA WE NATÉAMI NIRAA INÉ ECHI BIBLIA: SEGMENTO (WILLIAM TYNDALE), ANISÍ JAPI TI MINÁRIPORÉ JENAʼÍ:

• 

  ¿Chúsiá William Tyndale osalí kuabi libros japi olá echi Biblia jiti leérima echi pagótami inglés raʼíchami?

• ¿Chúsiá we jilí nili japi isili William Tyndale alí chúsiá we natéami nili?

• Tákoré echi gobierno ke risensia iyali, ¿chúriká echomí Inglaterra torúami nili jaré copias japi olá echi Biblia japi Tyndale niwali?

• ¿Chúriká newaré japi ta we natéami niraa iné echi Biblia?