Sinibí binéripo echi pagótami: Japi machinali

CHÚSIÁ WE NATÉAMI JU. Japi ripá simama Jesús yúa alí japi pirélima jenaʼí Wichimoba sinéami echi pagótami bayéliwa japi “tarapebi yiri natétaga bajisi echi baʼwí” (Ap 22:17). Echi baʼwí ko aniwáami ju suwaba japi isili Jeobá jiti echi pagótami japi nijéwami ju ma ke chati nokimea alí ke cho suwimea jiti Jesús ma natétili mukuká. Jiti ta iwíripa echi pagótami japi niwi bilé religión, ata simísaré nawisasia “echi Galabé Riosi Raʼíchala” jiti echi pagótami binénilima jiti we baʼori echi nawésali japi mi nawesa (Ap 14:6).

CHÚRIKÁ MI ISIMA

• Bachá mi machimea piri mi tema raʼichama alí chu iyiri mi texto leérilima echi pagótami jiti we aʼlá binema. Ayénachó mujé mi machimea chu iyiri tema binérima japi riká aní na oselí echoná: “Japi ta aniboa japalí ta nawisasia simía”. ¿Piri ka machinali echi pagótami alí chu iyiri texto we baʼori? ¿Piri ka raʼíchali buyachi? ¿Piri ka tema machinali echi rijoi alí echi mukí?

• Japalí mi yúa raʼichi echi pagótami natá churiká narepi o churika chotasia raʼícha echi pagótami japoná mi bité (2Co 6:3, 4).

• Aʼlá mi machisare japi mi muchuwasa simí nawisasia, japi riká echi oselí o videos ma, jiti mi riwírima echi pagótami japi a binénili.

• Descargari video o oselí ma japi riká raʼicha echi pagótami.

• Japi publicadores ju ruyema echi pagótami japi aboi machinali (1Co 9:19-23). Jemi anesa, japi aʼmona atí jiti téemala mukuli, ¿piri mi jitra raʼíchima?

INEPO ECHI VIDEO, ANÍ JAPI MI NÁRIPORÉ JENAʼÍ:

• ¿Chúriká chotásili echi publicador nawisasia?

• ¿Piri machinali echi pagótami?

• ¿Chu iyiri texto leérisa riweili? ¿Chúsiá?

• ¿Chú riká mi animea jiti echi pagótami japi mi kipú we baʼórima echi nawésali?