CHUTI RIKÁ NOKIBOA JAPI RIKÁ CRISTO
Raʼichabo echi namuti jitra japi ikí jipi
Japalí Jesús nawesa iyénali, echi ko néeli namuti japi ikiyé echalí rawé jiti binérima echi namuti we natéami (Lu 13:1-5). Mujé ayénachó omero inea echi namuti japi ikí jiti binérima echi pagótami echi Onorúami Gobiérnowala jitra. Ma ruyesa japi we natijí echi namuti, we nirú nakówami, pagótami chati, japi wiká nee drogas alí ayénachó jarecho karú ikiwáami, nee bilé náriwami jiti nata ripima. Japi riká: “¿Ami mayé japi siné kaachi suwibama echi...?” o “Mujé, ¿chúriká mi mayé japi suwibama echi...?”. Alí miná ko ruyé bilé versículo japi echi jitra raʼicha. Echi pagótami a binénalaká, riwiri bilé video o iyá bilé oselí japi ta muchuwasa simía nawisasia. Iʼwérili nokiboa bineria echi pagótami jiti bichíwima japi ta nawesa (1Co 9:22, 23).
¿Piri namuti machináliré echi pagótami japoná mi nawesa?