CHUTI RIKÁ NOKIBOA JAPI RIKÁ CRISTO
Kúruwi alí iwé si, ¿achi Jeobá ju we aʼlá amigo?
¿Chu isíami amigo mi olánili? Japi ke mi bineli riwema, alí we simá isíami nijía namuti. Jeobá ju echi amigo japi echi riká isimí (Éx 34:6; Hch 14:17). Jeobá ko a mi ipuma japalí mi echi yúa raʼicha alí mi iʼwírima japalí mi newalesa (Sl 18:19, 35). Ayénachó, mi ku wikawi japalí mi cha isisa (1Jn 1:9). ¡We aʼlá amigo ju ni Jeobá!
¿Chúriká mi Jeobá amígowala nima? Leérika echi Biblia echi riká mi machimea alí mi bichíwima (Sl 62:8; 142:2). Japalí mi machisaa echi namuti japi Jeobá we natéami niraa iné, newa isí japi mujé ayénachó we natéami niraa inena, japi riká echi nolá Jesús, echi Silíami japi Onorúami wilali alí japi isímaré pe aminánami. Jarecho bineri Jeobá jitra (Dt 32:3). Jeobá mi amígowala nísaká sinibí mi iʼwírima (Sl 73:25, 26, 28).
INEPO ECHI VIDEO KÚRUWI ALÍ IWÉ SI: BINOY MI MACHIMEA JAPI JEOBÁ MI TIBÚ, ANISÍ JAPI TI MI NÁRIPORÉ JENAʼÍ:
¿Piri ka mi isima ma mi katúwinalaká Jeobá yúa jiti mi ma pakónali?
¿Chúriká noká echi hermanos echoná congregación jiti mi iʼwírima minabi nochia Jeobá?
Jeobá mi amígowala nísaká, ¿chúsiá we natéami ju simiwaa nawisasia?
Sinibí amigo mi nima Jeobá yúa.
¿Chu ikí nóchili nirú japi mi nóchilima Jeobá?
Japi isimí Jeobá, ¿chu iyiri mi we galé?