We aʼlá nakiká pirélisi japi timí yúa piré

Echi wénwala alí kúchuwala we kanilia piré a nakisáaká anakupi niraa. Ke echi riká nísaká ke kanilia pirélima alí ke napawika nochama. ¿Piri nokimea okuana echi kunala, upila alí echi kúchuwami jiti nakimea anakupi niraa?

Echi kunala japi simá isimí, iyama echi upila japi newalé alí ipuma japalí echi upila raʼíchachi echi namuti japi nata alí japi nili (Ef 5:28, 29). Echi kunala iyama namuti japi newalé echi upila alí kúchuwala alí binérima cho Jeobá jitra echoná bitichí (1Ti 5:8). Echi upila ko we aʼlá nijéwisaré echi kunala alí riwíwisaré (Ef 5:22, 33; 1Pe 3:1-6). Okuaka ku wikáwisaré naʼáwisa (Ef 4:32). Echi kúchuwami aʼlá tibúsaré echi kúchuwala alí binérisaré japi nakimea Jeobá (Dt 6:6, 7; Ef 6:4). ¿Piri problemas olá emi kúchuwala echoná escuela? Alí, ¿chúriká anáchili? A timí sinéami ka we nakíami nísaká echoná bitichí, we timí kanilia pirélipo.

INEPO ECHI VIDEO NÉWARIWÉLITISARÉ JAPI TA SINIBÍ GALÉAMI JU ECHONÁ BITICHÍ, ALÍ ANÍ JAPI MI NÁRIPORÉ JENAʼÍ:

• 

  ¿Chúriká newaré japi echi kunala we aʼlá nakí binoy upila?

• 

  ¿Chúriká newaré japi echi upila aʼlá riwiwi binoy kunala?

• 

  ¿Chúriká noká echi wénwala jiti we aʼlá binérima Jeobá jitra aboi kúchuwala?