WE AʼLÁ BINÉRIAMI NIPO | KANÍLIKA BINÉRISI ECHI PAGÓTAMI
Riwepo japi echi hermanos tamó iʼwírima
Jeobá ko nee echi hermanos jiti tamó iʼwírima (1Pe 5:9). Echi ko tamó iʼwiri jiti ta oméripo bineria jarecho japalí we jilí nisa. Jaré hermanos —japi riká Áquila, Priscila, Silas alí Timoteo— we aʼlá iʼwírili echi apóstol Pablo (Hch 18:1-5).
¿Chúriká mi iʼwírima jarecho publicadores? Echi ko mi anema piri mi isísaré japalí bilé mi anesa japi ke binénali, japalí mi checho ku simí binérisia alí japalí mi bineri japi aní echi Biblia. Natá bilé jitra japi napawila echoná napawíliwachi japi we aʼlá binériami ju alí tani japi mi iʼwírima. We aʼlá nima echi riká timí nokisáaká alí timí we kanílipo (Flp 1:25).
INEPO ECHI VIDEO ATA KANÍLIAMI NIPO ATA BINÉRISAKÁ. JEOBÁ TAMUJÉ IʼWÍRIMA: ECHI HERMANOS, ALÍ ANISÍ JAPI TI MI NÁRIPORÉ JENAʼÍ:
¿Piri isili Rita jiti Coral chotásima simiyá echoná napawíliwachi?
Japalí ti binérisa bilé japi aní echi Biblia, ¿chúsiá we natéami ju japi jarecho publicadores si bayepo?
Sinéami echi hermanos echoná congregación ayénachó omero nikuuria jiti bilé pakoma.
¿Piri namuti kaleli Coral alí echi hermana?
Japalí mi yúa simí nawisasia echi publicadores, ¿piri mi binema?