WE AʼLÁ BINÉRIAMI NIPO | KANÍLIKA BINÉRISI ECHI PAGÓTAMI
Iʼwíripo echi binéami jiti riwema isiá japi chati ju
Jiti echi binéami Jeobá amígowala nima, riwésaré isiá japi chati ju (1Pe 1:14-16). A riwésaká isiá echi namuti, echi ko aʼlá bitélima téemala yúa, ke me nayuma alí ke me suwábima winomí.
We aʼlá ruyé echi binéami piri nakí Jeobá japi echi isima, chúsiá echi riká isísaré alí chúriká iʼwírima a nijéwisaká. Iʼwiri jiti aʼlárika natama japi riká aní echi Biblia alí miná ko echi binoy nijéwima (Ef 4:22-24). Ané japi Jeobá sinibí iʼwírima riwea japi ke aʼlá ju tákoré we jilí ke (2Co 4:7). Bineri japi sapú Jeobá yúa raʼichama japalí isínilisa japi chati ju. Iʼwiri jiti aʼlá machimea piri namuti isima japi echi ke nijéwima Jeobá, nalí iʼwiri japi isima jarecho namuti japi aʼlá ju. Japalí mi inesa japi echi binéami isimí japi aní echi Biblia jiti Jeobá iʼwírili, ami we kanílima.
MA INESA ECHI VIDEO IʼWÍRIPO ECHI BINÉAMI JITI KE ISIMA CHATI NAMUTI JAPI JEOBÁ KICHÍ, ANISÍ JAPI TI MI NÁRIPORÉ JENAʼÍ:
¿Chúriká newa nokali echi ancianos alí Rita japi bichiwi japi Coral omérima riwea japi chati ju?
¿Chu isili Rita iʼwírimia Coral?
¿Chu isili Coral jiti Jeobá iʼwírima?