Iʼwiri echi binéami jiti Jeobá amígowala nima

Jeobá ko nakí japi echi nijéwipo jiti ta we galé (Mr 12:30). Echi binéami we galésakó Jeobá, iʼwírima jiti anachama echi karú ikiwáami, ayénachó jiti riwema japi ke aʼlá ju alí pakoma (1Jn 5:3).

Iʼwiri echi binéami jiti machimea japi Jeobá we galé. Nari: “¿Piri mi bineli Jeobá jitra jepuná?” o “¿Chúriká newaré jepuná japi Jeobá we mi galé?”. Iʼwiri jiti machimea japi Jeobá ke bineli riwé (2Cr 16:9). Ruyé chúriká Jeobá mi kipuli japalí mi yúa raʼíchili alí ané echi binéami japi ayénachó inema chúriká Jeobá kipú echi japalí yúa raʼicha. ¡Ami we kanílima japalí mujé inesa japi echi binéami we aʼlá amigo ju Jeobá yúa!

MA INESA ECHI VIDEO IʼWÍRIPO ECHI BINÉAMI JITI JEOBÁ AMÍGOWALA NIMA, ANISÍ JAPI TI MI NÁRIPORÉ JENAʼÍ:

• 

  ¿Piri namuti jilírami ikili Coral?

• 

  ¿Chúriká isili Rita iʼwírimia Coral?

• 

  ¿Chu isili Coral jiti anachama echi karú ikiwáami?