Echi chati namuti japi ta ikí, ke sinibí rojorama

Ata siwea níliporé, ma ti wilí anachásaká echi karú ikiwáami. David ko machiyé japi Saúl ke sinibí echi risoa olama, ayénachó japi pe aminana echi ko silíami nima japi riká Jeobá anili (1Sa 16:13). Jiti David we bichíyami nili, kilí buweli japi Jeobá iʼwírima.

Japalí ti olasa karú ikiwáami, ata aʼlá machiká alí nátika nokisáré jiti akaréwipo echi namuti (1Sa 21:12-14; Pr 1:4). Nalí, isini kaachi ke ti omero akarewia echi karú ikiwáami tákoré ti iʼwérili nokali japi riká aní echi Biblia. Echi riká ikisaa ati kilí buwésaré japi Jeobá tamó iʼwírima. Ma mulipi Jeobá isima japi sinéami ma ke risoa nílima alí japi “nibilé auché nalákama” (Ap 21:4). Isini kaachi Jeobá tamó iyémiré echi karú ikiwáami, nalí ke echi riká nísaká ati newalásaré japi echi namuti ke sinibí rojorama. Machiyá jepuná, tamó iʼwiri jiti anachabo.

MA INESA ECHI VIDEO BILÉ PUEBLO JAPI WE GALÉ ANAKUPI NIRAA, ANISÍ JAPI TI MI NÁRIPORÉ JENAʼÍ:

• ¿Piri namuti we jilírami anáchili echi hermanos echomí sur Estados Unidos?

• ¿Chúriká newa nokali japi kilí buwé alí galéami ju?

• ¿Piri nalí we natéami niraa ineli echi hermanos? (Flp 1:10).