Campaña nirúlima septiembre jiti ta chotásipo bineria echi pagótami

Septiembre, ati iʼwérika nokiboa nawesia alí bineria echi pagótami néeka echi folleto We mi kanílika bitélima. Echi mechá, a oméripo precursor auxiliar niya japi niwá 30 horas. ¿Chúriká nokiboa campaña kaachi?

• Japalí mi kulí yúa raʼicha echi pagótami. Nee echi jubá página japi chukú echoná folleto jiti echi pagótami che machinálima, ayénachó ruyé chúriká ti bineri echi Biblia. Alí kiti wikawá echi pagótami japi aʼlá mi kipuli japalí mi yúa raʼíchali. Tákoré chabé ko ke binénali, jipi ko a binénalimiré echi kulíwami folleto jitra. Ke riwepo echi folleto echoná kalichí japoná ke nirú pagótami alí ke cho achabo echoná cártachi júulia echi pagótami japi ke aʼlá kipuli. Echi Comité de Servicio echoná Congregación che niwama wiká napawíliwami echalí mechá jiti simabo nawisasia.

• Japalí ta bilecho riká nawesa. Echi congregación a nawisásaká néeka echi carrito, echi ko riwírima echi folleto We mi kanílika bitélima. Echi pagótami a tonáliachi ko echi folleto, ayénachó ruyé chúriká ti bineri echi Biblia. Ke ikíriachi ko ané japi mi che siné ruyema. Echi japi superintendente de servicio ju julama jaré publicadores japi we machí nawesa jiti nawisama japoná nocha echi pagótami. Ami nawésisaká japi mi yúa nocha o jarecho pagótami, ruyé japi chúriká ti bineri echi Biblia alí nari achi binénala.

Jesús ko anili japi binéripo echi pagótami jiti nijéwima (Mt 28:19, 20). Alí ati machí japi jepuná campaña tamó iʼwírima jiti che wiká pagótami binéripo néeka echi folleto We mi kanílika bitélima.