Campaña nirúlima septiembre jiti nawisabo echi Onorúami Gobiérnowala

Echi michá septiembre we iʼwérika nokiboa nawesia japi echi Onorúami Gobiérnowala bi isima ku kariwea echi chati namuti japi ikí jenaʼí Wichimóbachi (Mt 24:14). ¿Piri mi omero isiá campaña kaachi? Echalí michá ami omeri raʼichia echi pagótami yúa bilé texto jitra japi raʼicha echi Onorúami Gobiérnowala jitra. Achi binénalaká japi mi ruyeli, bilé oselí iyá La Atalaya (edición para el público) número 2 bamíali 2020. Sapú che ku raʼichá echi pagótami yúa alí chotasi bineria japi aní echi Biblia néeka echi folleto We mi kanílika bitélima. Japi precursores auxiliares ju echi michá septiembre, 15 o 30 horas nokimea nawesia.

Ma mulipi echi Onorúami Gobiérnowala iyema echi isélikami japi nirú jenaʼí Wichimóbachi (Da 2:44; 1Co 15:24, 25). Jiti la, we natéami ju japi jipi iʼwérili nokiboa nawesia alí echi riká néwariwélitipo japi ta Jeobá nijewi alí echi Gobiérnowala.