Campaña nirúlima noviembre jiti nawisabo echi Onorúami Gobiérnowala

Jesús ko nawésili echi Onorúami Gobiérnowala jitra alí binérili echi pagótami japi raʼíchika tama jiti ma nulama jenaʼí (Lu 4:43; Mt 6:9, 10, TNM). Echi michá noviembre we iʼwérika nokiboa nawesa japi isímaré echi Onorúami Gobiérnowala (Mt 24:14). ¿Piri mi isima jiti mi si simea nawisasia japalí nirúlima echi campaña? Japi precursores auxiliares ju echalí michá, 30 o 50 horas nokimea nawesa.

Campaña kaachi, leérisi texto japi raʼicha echi Onorúami Góbiernowala jitra, sinéami pagótami ruyesi. Leérinalaká bilé texto, ati mi machiboa piri ka religión olá echi pagótami japomí mi nawesa. A binénalaká japi mi ruyeli, bilé oselí iyá La Atalaya (edición para el público) núm. 2, 2020. Sapú che ku bineri echi pagótami alí nijí jaré oselí japi mi muchuwasa simí nawisasia jiti echi jitra chotásima bineria japi binénili. Ma mulipi echi Onorúami Gobiérnowala iyema echi isélikami japi nirú jenaʼí kawichí (Da 2:44; 1Co 15:24, 25). Jiti la we natéami ju japi jipi nakúuripo nawesa, echi riká néwariwélitipa japi ta Jeobá nijewi alí echi Gobiérnowala.