¡Ané sinéami japi ta ma mulipi pirélipo we simá rikáachi!

Echi mechá noviembre, ati jiwérika nokiboa ruyea sinéami echi pagótami japi ma mulipi pirélipo japoná we simá riwélima (Sl 37:10, 11; Ap 21:4). Mujé ami omero natia chumi riká isima jiti mi we nawisama japalí nirúlisa echi campaña. Japi precursores auxiliares ju echalí mechá 30 o 50 horas nokimea nawesa.

Campaña kaachi, leeri echi Biblia japoná raʼicha echi kulíwami Wichimóbachi jitra alí ruyesi sinéami echi pagótami. Japalí mi leeri echi Biblia, ami machisare piri machinali echi pagótami japoná mi nawesa. A binénalaká japi mi ruyeli bilé oselí iyá, La Atalaya (edición para el público) número 2 bamíali 2021. Sapú che ku bineri echi pagótami alí nijí echi folleto We mi kanílika bitélima alí echi jitra bineri echi pagótami. ¡Ati we kanili jiti ta we noká nochia bineria “echi raʼíchali kalabé jitra”! (Is 52:7).

INEPO ECHI VIDEO MUSICAL WE MI KANÍLIMA, ALÍ ANISÍ JAPI TI MI NÁRIPORÉ JENAʼÍ:

• ¿Piri namuti japi ikiméaré pe aminánami, nata atí echi taa tiwé?

• ¿Piri ka mi ma kanílisa nili japi ikimea echoná Wichimóbachi baʼóachi?

• Japalí mi nata echi namuti kalabé japi nirúlima pe aminánami, ¿chúriká mi iʼwiri jiti mi aminabi nawisama japalí campaña nisa mechá noviembre? (Lu 6:45).