Chúriká iʼwíripo nirúachi karú ikiwáami

Aminabi we ikísimi echi karú ikiwáami, japi riká echi ukí alí jarecho si namuti. Japalí echi riká ikisaa, echi hermanos japi nakúuri nocha ma aʼlárika machisáré chúriká nakúurima. Jiti la echi hermanos japi Aʼlá Niseri jáwili jaré departamentos echoná sucursales jiti nikúurima.

Japalí echi hermanos japi nocha echoná departamentos machí japi karú ikili, sapú raʼicha echi ancianos yúa japi echoná piré jiti machinali piri newalé echi publicadores. A we cha ikisáaká alí echi hermanos ke omérisaká ku kariwea japi cha ikili, echi sucursal jawama jaré hermanos jiti echi animea chúriká nakúurima. A keʼré japi echi hermanos newalema japi nakúurima nochia o támiré jaré namuti japi newalé, japi riká koʼwáami o echi aboi raliméeré jiti nachútima.

We aʼlá ju japi echi riká nakúurima nochia alí ke ko japi riká ibili niraa nakí. ¿Chúsiá? Jiti echi riká ko ke me jilí nirama nochia, ke me suwábima winomí alí ibili niraa machimea piri nóchali nokimea.

Echi hermanos japi echi sucursal jáwili jiti nakúurima nochia natama chu kipi winomí newalema alí chu kipi nakúuriami. Ayénachó a raʼichámiré echi weli jáwami yúa japi nulá echoná jiti ke me jilí nirama iʼwiria echi hermanos. Jiti la hermanos, kiti aboi napabusi winomí, koʼwáami alí jarecho si namuti o kiti simasi japoná risoa ikili, ke timí anésiwaká japi timí simabo.

Nalí, a bichíwali ju japi ti we galé echi hermanos, jiti la japalí karúa ikisaa ati iʼwírinali (Heb 13:16). ¿Chúriká ti omeri iʼwiria? Tánipo Jeobá echi hermanos jitra japi risoa ikili alí echi hermanos japi nakúuri nochia. Ayénachó ati omeri nijía winomí japi jitra iwiriwa omana wichimobachi. Echi sucursales japi noká japi nulá echi japi Aʼlá Niseri, we aʼlá machí chúriká néema echi winomí alí jarecho si iʼwírimia echi hermanos. Ami iʼwírinalaká nochia, osá echi solicitud japoná mi aní japi mi a nochánali, echi oselí riwéami (DC-50).

INEPO ECHI VIDEO WE RISOA IKILI ECHOMÍ BRASIL ECHI UKÍ JITRA, ALÍ ANISÍ JAPI TI MI NÁRIPORÉ JENAʼÍ:

Japalí risoa ikili echi hermanos echomí Brasil, ¿piri mi baʼórili japi riká nokali echi testigos iʼwiria?