Néeka echi videos chotasi bineria echi pagótami japi aní echi Biblia

Ati olá naó videos japi riká mi binérima echi Biblia. ¿Chúriká nikuuro echi videos, alí chúriká ti néepo japalí ti nawisasia simía?

• 

  ¿Chúsiá mi binésaré echi Biblia? (video japi bikiá minutos rojorá). Echi ko niwárami nili jiti echi pagótami machinálima Biblia jitra tákoré ma olá bilé religión. Echi ko ané echi pagótami japi aama japi iyiri machinali echoná Biblia, alí machina bilé ejemplo japi ruyé japi aní echi Biblia a ne bichíwali ju, miná ko ruyé chúriká isima jiti bilé testigo binérima.

• 

  ¿Chúsiá mi binésaré echi Biblia? (teeli bi rojorá). Echi ko chopi iyiri ju japi riká biléala, nalí bilepi bi minuto rojorá, jiti la ti a omero nea japoná echi pagótami ke me ikiri.

• 

  ¿Chúriká ta bineri echi pagótami echi Biblia jitra? Echi ko niwárami nili jiti echi pagótami machimea chúriká ti bineri echi Biblia alí binénilima. Alí machimea jaré preguntas japi riká: ¿piri isima jiti bilé testigo binérima?

• 

  We mi aʼlá binema echi Biblia. Echi ko riwíriliwa echi pagótami japi kulí chotásili binea echi Biblia jitra. Tákoré echi ko machina echoná página 2 echi libro We mi kanílika bitélima, ayénachó mi omerima riwiria japalí mi bineri néeka echi folleto. Echi video ko ruyé piri binema alí chúrika binériwa echi libro jitra.

Tákoré echi video niwárami nili japi riká ti ma bineli, nalí a ti omeri júulia echi pagótami japalí ti newalesa. Jiti la ti iʼwérili nokisaré we aʼlá machiyá echi videos jiti néepo japalí ti nawisasia simía.