¿Achi mi ipú echi Biblia audio niraa?

¿Piri ju echi Biblia audio niraa? Echi ko ju echi kulíwami Biblia Traducción del Nuevo Mundo japi grabáritami ju, alí kilipi niraa machínisimi wiká raʼicháliami. We simá ju ipuwa echi audio jiti wiká ju japi raʼicha. Ayénachó, we aʼlárika niraa leériwa japi riká nilia pireili echi pagótami jiti echi riká we aʼlá inámipo japi iyiri tamó binérnali echi Biblia.

¿Chúriká tamó iʼwiri ipúa echi Biblia audio niraa? Wiká japi ne sojí sinibí ipú echi Biblia audio niraa, iʼwiri nilia japi nilia pireili echi pagótami japi ruyé echi Biblia. Echi ko we aʼlá biné alí aʼlá inami piri jitra raʼicha. Alí japalí ipú wiká raʼíchami, echi ko aminabi we aʼlá inami alí nili japi riká ju echoná si iyenia (Pr 4:5). Japalí omona nílisa, wiká ko aní japi ku kilí nili ipusa echi audio (Sl 94:19).

Ipúa echi Onorúami Raʼicháala we aʼlá tamó iʼwiri (2Cr 34:19-21). ¿Achi nirú bilé Biblia japi ma chukú suwaba o uchíi bi audio niraa bilé raʼicháliami japi mujé inami? ¿Chúsiá mi ke aní japi jipi jonsa sinibí ipuma echi Biblia audio niraa?

MA INESA ECHI VIDEO CHÚRIKÁ NIWÁLIWA ECHI BIBLIA AUDIO NIRAA (FRAGMENTO), ANISÍ JAPI TI MI NÁRIPORÉ JENAʼÍ:

¿Piri mi baʼori japi riká ju echi Biblia audio niraa?