We aʼlá leeri japi oserúa uchuwi

1 Timoteo 4:13

JAPI MI BINEMA: We aʼlá leeri japi oserúa uchuwi jiti we aʼlá kipuma japi mi kipusú.

CHUMI RIKÁ ISIMA

• Aʼlá biné japi mi leérima. Aʼlá natá chúsiá oserúa chukú japi mi leérima. Kiti leeri ibili palabra nalí napabúrika leeri. Leeri suwaba palabras japi oserúa uchuwi, kiti leeri jarecho palabras japi ke oserúa uchuwi. Aʼlá leeri japoná uchuwi echi signo de puntuación, japi riká punto, coma, signo de interrogación alí jarecho si.

• Leeri japi riká oserúa chukú. Japalí mi ke machí chúriká leériwa bilé palabra, nikúurali tani bilé japi we aʼlá machí leeria jiti mi binérima; echi oselí japi mi leérima a nirúaka audio, kipú echi audio.

• Aʼlá raʼichá japalí mi leeri. We aʼlá raʼichá jiti echi japi kipúa muchuwi we aʼlá moʼama japi mi leeri, kiti iyola wiliká raʼichá alí ayénachó we aʼlá irapi mujé rinila. Iʼwérika isí jiti mi aʼlá leérima suwaba letras.