¿Piri mi isínali echi biléala bamíali de servicio?

Ata iʼwérili noká aminabi we nóchilia Jeobá jiti ta nakí japi echi ko kanílima. We aʼlá ju japi ta natabo piri ta nokiboa aminabi nóchilia Jeobá jiti echi tamó iʼwírima aminabi we aʼlá amigo niya echi yúa (1Ti 4:15). ¿Chúsiá we aʼlá ju japi ta isini kaachi natabo echi japi ta nokinali nóchilia Jeobá? Jiti a keʼré japi siné kaachi ma ke pirélipo japi riká ti pireili. Alí a keʼré japi ma ke oméripo nokayá japi ta nokinálili. Ayénachó a keʼré japi jaré namuti japi ta nokinálili ma ti echi riká nokali, jiti la jipi ko natásaré jarecho namuti japi ta nokiboa.

Kecho bijí chotásiachi echi biléala bamíali de servicio, we aʼlá ju japi natabo echi japi ta nokinali nóchilia Jeobá. ¿Achi timí nátili checho binemia echi jitra japi timí nokinali nóchilia Jeobá japalí timí biné Jeobá jitra echoná bitichí? A timí omero raʼichia piri timí nokiboa sinéami ka napawika o ibili niraa.

¿Piri mi nátili isimia jepuná namuti jitra, alí chúriká mi isima?