Echi namuti japi ta nata néwariwélitisaré japi ta Jeobá bi nijewi

Japi ta noká alí japi ta aní newariwéliti japi ta Jeobá nijéwami ju, nalí ayénachó japi ta nata (Sl 19:14). Jiti la echi Biblia tamó ané japi ta natabo echi namuti japi bichíwali ju, aʼláala ju, wachíniga niraa ju, japi ke chati ju, japi isimí japi galéami nipo alí japi Onorúami Walubéala niraa ané (Flp 4:8). A bichíwali ju japi isini kaachi natáboré namuti chati. Nalí be, ati iʼwérili nokisáré ke natia echi namuti japi Jeobá kichí alí natabo echi namuti japi Jeobá galé. Ata néwariwélitisaká japi ta Jeobá bi nijewi ayénachó echi namuti jitra japi ta nata, ke ti me jilí nirabo nokayá echi namuti japi Jeobá galé (Mr 7:21-23).

Echoná rilé japoná uchuwi ibili texto, osá chu iyiri namuti ke ti natásaré:

Ro 12:3

Lu 12:15

Mt 5:28

Flp 3:13