Jarecho artículos japi olá echi oselí Echi Nawésami
Wiká hermanos nee JW Library® jiti binema japi ta binepo echoná napawíliwachi alí we kanili jiti ke jilí ju machiyá kumi chukú ibili binelíwami japi ta binepo. Nalí ne sojí suwaba echi oselí Echi Nawésami japi binéliwa, olá jarecho artículos japi ayénachó we natéami ju japi mi leérima. Alí, ¿chúriká mi riwimea?
Ma suwéena ibili echi binelíwami echoná oselí Echi Nawésami, aní “Jarecho binelíwami” alí ne rilé “Suwaba echi binelíwami japi nirú jenaʼí oselí”. Ami rachinásaká, ami riwimea japi ikí nirú jenaʼí oselí, japi riká echi binelíwami japi ta binéporé echoná napawíliwachi alí jarecho artículos, alí rachiná echi japi mi leérinali.
Ayénachó echoná JW Library echoná inicio ami omérima inea japoná aní “Lo nuevo” echoná mi omérima descargaria echi oselí Echi Nawésami japi kulí machínali. Alí echoná pachana ami riwimea japi nawisula uchuwi suwaba japi ikí nirú jiti mi leérima.