Japi mi iʼwírima binea

Aminabi biné chu isíami ju Jeobá

Japalí ta leeri echi Biblia, ati omeri aaya jiti ta we aʼlá inámipo japi ta leeri. Nalí be, ke ti bi we binésaré jiti ta wiká namuti machiboa. Ata binésaré chu isíami ju Jeobá alí echi tamó iʼwírima aminabi galea echi. Jiti ta echi riká nokiboa, nárika nokisáré: “Japi ni leérili echoná Biblia, ¿piri tamí bineri Jeobá jitra?”.

Japi riká, ami omeri aaya echi naó namuti we natéami japi chu isíami ju Jeobá: we galéami, we machíami, wachía isíami alí we omériami. Alí wiká jarecho si namuti japi we simá isimí. Nalí, ¿kumi mi áasaré jiti mi aminabi machimea jepuná namuti jitra?

Ami riwimea simírikami 50 namuti japi chu isíami ju Jeobá echoná Índice de las publicaciones Watch Tower. Ami áasaká echi raʼíchali “Jehová” alí miná ko echi subtítulo “Cualidades por nombre”. Rachiná japoná aní japi chu isíami ju Jeobá japi mi binénali alí leeri japi aní echi oselí (ami bi olásaká echi Guía de estudio para los testigos de Jehová, rachiná japoná aní “Jehová” alí miná ko echoná subtítulo “Cualidades de Jehová”).