Japi mi iʼwírima binea

Japi nokimea echi kuuchi

Echi wénwala olá bilé nóchali we natéami japi ju bineria echi kúchuwala Jeobá jitra (Efes. 6:4, TNM). Iʼwírimia echi wénwala nokayá jepuná nóchali, echi Jeobá níwala organización niwali wiká namuti japi jitra binérima. ¿Chúriká omero aʼlá néea echi namuti?

• Aa japi ikí nirú. Echoná jw.org alí JW Library^® ami omeri aa jaré videos alí oselí japi niwárami nili nátika echi kuuchi alí remalí.a Jiti mi riwimea jepuná namuti echoná jw.org, japoná aní “Aa” osá “Kúruwi alí iwé” o “Kuuchi kúruwi”.

• Chapí echi namuti japi mi mayé japi emi iʼwírima. Japalí mi osisá “Kuuchi kúruwi” echoná jw.org, ami riwimea wiká videos alí jaré oselí o canciones ma, japi mi omeri néea iʼwírimia mujé kúchuwala. Alí ami osisáaká “Binepo Biblia echoná bitichí”, ami riwimea jaré videos japi mi iʼwírima machiyá piri timí omero nokayá japalí timí napawika binema echi Biblia echoná bitichí.

• Raʼichá mujé ranala yúa echi jitra japi timí biné. Kiti nee echi oselí alí videos jiti emi kúchuwala kanila simárima bi. Nalí raʼichá echi yúa echi namuti jitra japi biné alí iʼwiri jiti echi Jeobá amígowala nima.