BINELÍWAMI 16
CANCIÓN sjj 87 Iʼwérili naré echoná napawíliwachi
Muliwia echi hermanos yúa we aʼlá ju tamujé jitra
“¡We aʼlá ju alí we semati ju japalí echi hermanos napawí sinéami ka napawika!” (SAL. 133:1).
JAPI TA JITRA BINEPO
Chúriká aminabi mulíwipo echi hermanos yúa alí piri namuti aʼláala narepo echi riká ti nokisáaká.
1, 2. ¿Piri ju bilé namuti japi we natéami niraa iné Jeobá, alí piri nakí japi ta nokiboa?
JEOBÁ ko we natéami niraa iné japi chúriká ti nokáami ju jarecho pagótami yúa. Jesús ko binérili japi ta galésaré echi pagótami japi riká tamujé aboi galé (Mat. 22:37-39). Echi ko ruyá anili japi ayénachó ti simá nokáami nísaré echi pagótami yúa japi ke nijéwami ju Jeobá. Echi riká ti nokisáaká, ata nipo japi riká tamujé Onolá Jeobá. Echi ko iyá echi ukí alí rayénali echi japi aʼlá nokáami ju alí echi japi cha nokáami ju (Mat. 5:45).
2 Jeobá ko galé sinéami pagótami, nalí wabé galé echi japi nijéwami ju (Juan 14:21). Echi ko nakí japi ta nokiboa japi riká echi, jiti la tamó ané japi ta “ne wabé galebo” echi hermanos alí echi riká nokiboa “mapurigá ritémtami niráa” (1 Ped. 4:8; Rom. 12:10). Ata we galésaré echi hermanos japi riká ti inili galea bilé téemala o bilé we aʼlá amigo.
3. Bilé ejemplo néeka ruyé chúriká ju galea jarecho.
3 Galea jarecho ju japi riká bilé siwá japi ti roʼésaré baʼwí alí tibúsaré jiti aʼlá ochérima. Echi riká cho, Jeobá ko nakí japi ta aminabi iʼwérili nokiboa galea jarecho. Echi apóstol Pablo aneli echi cristianos: “Sinibí ne galá galesi aʼnagupi mapurigá ritémtami niráa” (Heb. 13:1). Jenaʼí binelíwami binepo chúsiá ti aminabi mulíwisaré echi hermanos yúa alí chúriká nokiboa.
CHÚSIÁ TI AMINABI MULÍWISARÉ ECHI HERMANOS YÚA
4. ¿Piri tamó iʼwírima aminabi we natéami niraa inea napawika niya japi riká aní Salmo 133:1? (Ayénachó iné echi fotos).
4 (Leeri Salmo 133:1). Japi riká echi salmista, tamujé ayénachó aní japi “we aʼlá ju alí we semati ju” amigos niya echi yúa japi Jeobá nijéwami ju. Nalí be ata nátika nokisáré, jiti a keʼré japi miná ko ma ke natéami niraa inepo napawíkami niya. A keʼré japi ta ikiboa japi riká bilé pagótami japi sinibí rawé iné bilé waʼlú rojá alí we baʼori, nalí jiti sinibí rawé iné, pe aminana echi ko ma ke baʼóami niraa iné. Echi riká cho, jiti ta sinibí iné echi hermanos o a keʼré wisabé niraa sinibí tarali, miná ko ma ke me natéami niraa inéporé. Jiti ke echi riká ikiboa, ¿piri tamó iʼwírima aminabi we natéami niraa inea echi hermanos? Ati natásaré chúsiá ibili echi hermanos we natéami ju tamujé jitra alí echoná congregación.
Sinibí we natéami niraa inepo napawíkami niya echi hermanos yúa. (Iné echi párrafo 4).
5. ¿Piri ikí japalí jarecho iné japi ta we galé anakupi niraa?
5 Wiká pagótami japalí simía japoná ta napawí, we simá nili inea japi ta we galé anakupi niraa, jiti la bichiwi japi jepuná ju echi religión ne bichíwali. Jesús ko jéanili: “Jenaʼí wichimóbachi piréami pagótami galá machimea mapu Nijeni ʼyemi mi binérali, átamo echirigá aʼnagupi galésagá” (Juan 13:35). Ma inepo japi ikili bilé tiwé Chaithra riwéami japi binéami nili echoná universidad alí chotásili binea echi Biblia echi testigo Jeobá yúa. Echi ko simili bilé waʼlú napawíliwachi japi bikiá rawé rojorá, ma kulí bilé rawé simírisa echi ko aneli echi hermana japi binerie: “Kini wénwala ke siné tamí mutuli. ¡Nalí sinepi rawé echi hermanos 52 niraa mutuka tamí narépili! Jepuná tamí inílitili japi Jeobá we tamí galé. Ayénachó ni napawínali na organización yúa”. Chaithra ko aminabi binésili echi Biblia alí pakoli bamíali 2024. Jepuná jitra ata biné japi echi pagótami japi kulí biné tamujé yúa, a mulíwinali Jeobá japalí iné japi ta aʼláala namuti noká, japi riká japi ta we galé anakupi niraa (Mat. 5:16).
6. ¿Chúriká tamó iʼwiri muliwia echi hermanos yúa?
6 Aminabi muliwia echi hermanos yúa tamó iʼwiri jiti ke riwepo Jeobá amígowala niya. ¿Chúriká? Pablo ko anili japi iʼwérili iyabo anakupi niraa jiti echi chati namuti ke isima japi tamujé kilipi niraa ma ke nijéwipo Jeobá (Heb. 3:13, TNM). Ati siwea níliaká o jilí niráaká nokayá japi aʼlá ju, Jeobá ko omeri néea bilé hermano tamó iʼwírimia (Sal. 73:2, 17, 23). ¡We ti kanili olayá jepuná hermanos japi we tamó iʼwiri!
7. ¿Chúsiá we galea echi hermanos tamó iʼwiri jiti napawíkami nipo? (Colosenses 3:13, 14).
7 Japi ta Onorúami puéblowala ju, ata iʼwérili noká we galea anakupi niraa, jiti la ti naré wiká namuti aʼláala (1 Juan 4:11). Japi riká, we galea echi hermanos tamó iʼwiri jiti ta wikáwipo anakupi niraa, alí jepuná isimí japi ta napawíkami nipo (Efes. 4:2-6; leeri Colosenses 3:13, 14, TNM). Jiti la, sinéami echoná napawíliwachi we ti kaníliami ju, alí omáana Wichimóbachi ke nirú jarecho japi echi riká cho nokáami ju.
RIWÍWIPO ANAKUPI NIRAA
8. ¿Chúriká tamó iʼwiri Jeobá jiti napawíkami nipo?
8 Jeobá isimí japi sinéami echi hermanos omáana Wichimóbachi piréami, napawíkami nima tákoré ti ke sébali aʼlá nokáami ju (1 Cor. 12:25). Echi Biblia jériká aní: “Riosi Binói ʼyemi mi binérali máputamo galebo” (1 Tes. 4:9). ¿Alí chúriká isimí? Echi ko nee binoy Raʼicháala tamó binérimia piri ta nokisáré jiti aminabi mulíwipo echi hermanos yúa. Alí tamujé ko riwé japi Jeobá tamó binérima japalí ti we aʼlá biné echi Biblia alí nijewi japi ta biné (Heb. 4:12; Sant. 1:25). Tamujé testigo Jeobá, ati iʼwérili noká echi riká nokayá.
9. ¿Piri aniwáami ju “bachá emi riwíwisi anakupi niraa” japi riká aní Romanos 12:9-13?
9 ¿Chúriká tamó iʼwiri echi Biblia jiti aminabi mulíwipo echi hermanos yúa? Ma inepo japi anili Pablo echoná Romanos 12:9-13 (leeri, TNM). Echoná bilé versículo aní: “Bachá emi riwíwisi anakupi niraa”. ¿Piri aniwáami ju jepuná? Japi ta iʼwérili nokisáré galea jarecho suwinárika niraa, japi riká wikawia, bayea tamujé bitélachi alí iyayá japi newalé (Efes. 4:32). Ke ti buwésaré japi jarecho mulíwima tamujé yúa, nalí tamujé bachá echi riká nokisáré. Echi riká ti nokisáaká, ati inílipo japi riká anili Jesús: “Wabé kaníliami ju japi iyá jarecho alí ke ko japi naré” (Hech. 20:35, TNM).
10. ¿Chúriká ti néwariwélitipo japi ta “we nóchiami” ju japalí ti riwiwi anakupi niraa? (Ayénachó iné echi foto).
10 Japalí Pablo anili japi bachá riwíwisaré anakupi niraa, miná ko ayénachó anili: “Ke nasinákuli nisi, nalí we nóchiami nisi”. Bilé japi we nóchiami ju, we kanílika alí jiwérika isimí echi nóchali japi iyáliwa. Proverbios 3:27, 28 jériká busuré iyá: “Ami omériaká kuʼiria jarecho japi newalé nikúurali, kuʼiro”. Jiti la, ati inéaká japi bilé newalé nikúurili, iʼwérili nokiboa iʼwiria ati omériaká. Kiti aniboa japi che siné iʼwíripo alí kiti natabo japi bilecho iʼwírima (1 Juan 3:17, 18).
Ati aboi nátika iʼwíripo echi hermanos japi newalé iʼwírili. (Iné echi párrafo 10).
11. ¿Piri tamó iʼwírima aminabi muliwia echi hermanos yúa?
11 Bilecho namuti japi riká ti nokiboa riwiwia anakupi niraa ko ju, wikawia echi japi ke aʼlá noká tamujé yúa. Efesios 4:26 aní: “Ketasi ne wabé simírami naʼáwasi mapuyénasí chati sitíi oluwáwami níima. Aʼlí nirapé bilé rawé arichesi [o chilibasi] naʼawa”. ¿Chúsiá? Jiti echi riká echi Diablo ke tasi niyúrima, japi riká aní echi versículo 27. Echoná Biblia, Jeobá tamó ané wisabé niraa japi ta wikáwisaré jarecho. Japi riká aní jepuná busuréliami: “Sinibí ku wikáwisi anakupi niraa” (Col. 3:13, TNM). Ati aminabi mulíwipo echi hermanos yúa, ati wikáwisaká echi namuti japi ke aʼlá noká. Alí echi riká iʼwíripo jiti sinéami ka napawíkami nima (Efes. 4:3). Jepuná jitra ata biné japi ta ke wikáwiami nísaká, ke ti napawíkami nipo alí ke kilí pirélipo.
12. ¿Chúriká tamó iʼwiri Jeobá jiti wikáwipo jarecho?
12 A bichíwali ju japi jilí nímiré wikawia bilé japi tamó cha olali. Nalí ati oméripo echi riká nokayá jiti Onorúami tamó iyá echi binoy jiwérala. Ma anisaa japi ta galebo anakupi niraa alí japi ta we nóchiami nipo, miná ko echi Biblia aní: “Japi echi Onorúami jiwérala emi jiwéritima”. Jepuná ko aniwáami ju japi echi Onorúami jiwérala jitra, tamujé ko jiwérali olabo jiti oméripo we kanílika nokayá japi aʼlá ju, japi riká simá nokáami niya alí ku wikawia jarecho (Rom. 12:11). Jiti la ti ané Jeobá japi tamó iʼwírima (Luc. 11:13).
A TIMÍ NAPAWÍKAMI NÍSARÉ
13. ¿Piri namuti isímiré japi ta ke napawíkami nipo?
13 Suwaba echoná congregaciones nirú hermanos japi ta suwinárika niraa ju (1 Tim. 2:3, 4, TNM). Jiti la ke ti chopi iyiri nata wiká namuti jitra, japi riká chúriká ti napachabo o tichibo, chu iyiri tratamientos narepo alí chúriká nokiboa kanila simaria. Ke ti tibuka nokisáaká, a keʼré japi echi jitra ke ti napawíkami nipo (Rom. 14:4; 1 Cor. 1:10). Nalí Onorúami tamó bineri japi ta galepo anakupi niraa, jiti la ke ti siné aní japi tamujé wabé aʼlá nátika nokáami ju jarecho yúa (Filip. 2:3).
14. ¿Piri ta iʼwérili nokisáré nokayá, alí chúsiá?
14 Bilecho namuti japi ta nokisáré jiti napawíkami nipo echoná congregación ko ju, japi ta iʼwérili nokiboa ku kanílitia jarecho alí iʼwérili iyayá (1 Tes. 5:11). Jipi ko nirú wiká pagótami japi ku sili echoná congregación: echi japi ma chabé ke tamó yúa napawili alí echi japi machibúrami nili echoná congregación jonsa. Tamujé ko we kanílika ku naré echi pagótami (2 Cor. 2:8). Bilé hermana japi 10 bamíali jonsa ma ke napawili echi hermanos yúa alí japi ku nawali echoná salón, jéaní: “Sinéami echi hermanos we kanílika siyé tamí narépimia” (Hech. 3:19). ¿Chu inílili echi hermana jiti echi hermanos echi riká nokali? Echi ko aní: “Ani iníliki japi riká ko Jeobá tamí sikala chapiká yuria japoná ni ku kanílima”. Japalí ti iʼwérili noká iʼwiria jarecho, Jesús ko omeri tamó néea jiti ta iʼwíripo echi japi siwea nili (Mat. 11:28, 29).
15. ¿Piri bilecho namuti ata nokisáré jiti napawíkami nipo? (Ayénachó iné echi foto).
15 Ayénachó iʼwíripo jiti napawíkami nipo echi namuti jitra japi ta aní. Job 12:11 aní: “¿Wechi ke echi nakala bachá aʼlá kipú echi raʼíchali japi riká echi chamébala bachá aʼlá iné achi raʼíami ju echi koʼwáami?”. Japi riká bilé japi wasi koʼwáami, bachá aʼlá iné achi raʼíami ju echi koʼwáami kecho iyamia echi pagótami. Echi riká cho, tamujé kecho raʼichamia bachá aʼlá natásaré japi ta aniboa, jiti echi riká inepo achi echi raʼíchali aʼlá ju alí achi iʼwírima alí iʼwérili iyama echi japi tamó kipú (Sal. 141:3; Efes. 4:29).
Kecho raʼichamia, bachá aʼlá natá japi mi animea. (Iné echi párrafo 15).
16. ¿Jépuká nalí wabé jiwérika nokisáré simárika raʼíchiami niya jiti iʼwérili iyama jarecho?
16 Echi rijoi japi niwíkami ju alí echi japi kúchuwami ju, wabé jiwérika nokisáré simárika raʼíchiami niya jiti iʼwérili iyama jarecho (Col. 3:19, 21; Tito 2:4). Echi ancianos ayénachó iʼwérili iyá echi hermanos echoná congregación (Is. 32:1, 2; Gál. 6:1). Echoná Biblia jéaní: “¡Alí we aʼlá ju japalí bilé nijisa echi raʼíchali japalí ta newalé!” (Prov. 15:23).
NEWA NOKIBOA JAPI TA NE BICHÍWALI GALÉAMI JU
17. ¿Piri ta omeri nokayá jiti ne bichíwali galea nílipo echi hermanos?
17 Echi apóstol Juan anili japi ta ke bi anisáré japi ta galé jarecho, nalí japi ta newa nokiboa japi ta ne bichíwali galéami ju (1 Juan 3:18). ¿Piri ta nokisáré jiti ne bichíwali galea nílipo echi hermanos? Napawika simáripo echi hermanos yúa, echi riká we mulipi nipo echi yúa alí ayénachó aminabi we galepo. Iʼwérili nokiboa napawika simaria echi hermanos yúa echoná napawíliwachi alí japalí ti nawesa. Ayénachó iʼwérili nokiboa jiti ikíripo simíaya inesia echi bitélachi. Ati nokisáaká jepuná namuti, echi pagótami jériká animea tamujé jitra: “Riosi Binói ʼyemi mi binérali máputamo galebo” (1 Tes. 4:9). Ibili tamujé inepo japi “we aʼlá ju alí we semati ju japalí echi hermanos napawí sinéami ka napawika” (Sal. 133:1).
CANCIÓN sjj 90 Iʼwérili iʼyabo jarecho