6 millones pagótami suwili COVID jitra | ¿Piri aní echi Biblia?

Echi Organización Mundial de la Salud (OMS), anili japi 23 inárachi mayo cheka, bamíali 2022, suwili 6.27 millones pagótami echi COVID-19 jitra. Nalí, kulí 5 inárachi mayo bamíali 2022, echi OMS anili japi jipi ko mayé japi wabé wikabé ju japi suwili, jiti bamíali 2020 alí 2021, “japi ikí suwili echi pandemia jitra, ne sojí nili 14.9 millones pagótami, alí mayewa japi ne sojí suwaba echi pagótami suwili echi pandemia jitra”. ¿Piri aní echi Biblia echi jitra?

Echi Biblia anili japi nirúlima nayulí we chati

•  Jesús ko anili japi “wabé waminánomí rawé” nirúlima riweili wiká nayulí we chati (2 Timoteo 3:1; Lucas 21:11).

Alí jipi ma ikísimi japi riká anili Jesús. Jiti mi che machimea leeri echi artículo “¿Cuál es la señal de ‘los últimos díasʼ o ‘los tiempos finalesʼ?”.

Japi aní echoná Biblia tamó iʼwérili iyá

•  “Riosi sinibí tamujé tamí wabé galá ku kanílata mapalita wabé risúu [nili]” (2 Corintios 1:3, 4).

Japalí mukusaa echi téemala, wiká pagótami ko ku kanili japalí leérisa echi Biblia. Leeri echi artículo “Cómo sobrellevar el duelo: Sugerencias prácticas” alí “La mejor ayuda para quienes están de duelo”.

Echi Biblia aní chúriká ma ke nirúlima nayulí

•  “Wilá mujé Gobiérnowala jiti nulama jenaʼí. Isí japi mi binoy nakí jenaʼí wichimóbachi, japi riká mi isimí ripá rewegachi” (Mateo 6:10, TNM).

Ma mulipi echi Onorúami Gobiérnowala isima japi ikimea jepuná namuti: “Ke bilé pagótami animea: ‘Nayuluni’” (Marcos 1:14, 15; Isaías 33:24). Jiti mi che machimea japi isima echi Gobierno ripá rewegachi nirúami, iné echi video ¿Piri ju echi Onorúami Gobiérnowala?

A ti mi bayé japi mi binema echi Biblia alí mujé téemala si jiti echi riká timí machimea echi busuréliami we natéami japi aní echi Biblia alí echi aʼláala namuti japi ikimea pe aminana.