¿Jépuká mi nakí japi silíami nima? | ¿Piri aní echi Biblia?

Echi pagótami sinibí we nata jépuká nakí japi silíami nima japoná echi piré.

¿Piri aní echi Biblia jepuná jitra?

Echi isélikami ko pe teeli bi nulá

Echi Biblia ko aní japi echi isélikami pe teeli bi nulá.

• “Kiti bichíwisi echi príncipes ke cho echi rijoi, jiti ke omero niyubia. Machina echi iwigala, alí echi rijoi saté ku najiti; echalí rawé suwía echi natáala” (Salmo 146:3, 4, nota).

Suwaba echi isélikami suwí, tákoré we aʼlá nuláami ke. Alí tákoré we aʼlá namuti nokali, echi ko ke omeri isiá japi jaréala isélikami ayénachó aʼlá nokimea (Eclesiastés 2:18, 19).

Echi Biblia ko aní japi echi pagótami ko ke tasi omériami ju aboi nulayá.

• “Echi rijoi ko ke tasi omeri binoy nulaká isiá” (Jeremías 10:23).

Jipi rawé, ¿a nirú bilé japi we aʼlá nuláami ju?

Echi silíami japi Onorúami wilali

Echi Biblia ruyé japi Onorúami wilali bilé silíami japi wabé aʼlá isíami ju alí japi ta ne bichíwali omero bichiwia, echi ko Jesucristo ju (Salmo 2:6). Echi ko ju echi Silíami japi nulá echoná Onorúami Gobiérnowala, bilé gobierno japi ripá rewegachi atí alí japi echoná jonsa nulá (Mateo 6:10).

¿Ami nakí japi Jesús nuláami nima? Echi Biblia ko ruyé chúsiá we natéami ju japi ta natabo jépuká ti nakí japi silíami nima:

• “Riwíwisi echi nolá [Jesucristo]; jiti Onorúami ke iyoma alí emi suwimea, jiti echi ko we sapú iyóami ju. ¡We kaníliami ju sinéami japi muliwi echi!” (Salmo 2:12).

Jipi, we natéami ju japi ta natabo piri ta nokiboa. Japi riká aní echi profecías japi oserúa uchuwi echoná Biblia, Jesús ko chotásili nulayá echi bamíali 1914 jonsa alí ma mulipi echi Onorúami Gobiérnowala suwábima suwaba echi gobiernos jenaʼí Wichimóbachi nirúami (Daniel 2:44).

Ami che machináliaká chúriká mi néwariwélitima japi mi a nakí japi Jesús mi nulema, leeri echi artículo riwéami “Apoyemos ahora el Reino de Dios”.