Ma simírili bilé bamíali japalí jonsa chotásili echi guerra echomí Ucrania | ¿Piri aní echi Biblia?

24 inárachi febrero 2023, ma simírili bilé bamíali japalí jonsa chotásili echi guerra echomí Ucrania. Aniwá japi 300,000 sontarsi ucranianos alí rusos suwili alí jarecho chiwanárami ripili, alí mayewa japi 30,000 pagótami suwili o wiká rasía ma níliré.

We nalí, mayewa japi echi nakówami ke sapú suwibámiré.

• “Sojí bilé bamíali simírili japalí jonsa Rusia chotásili nakoa Ucrania yúa, nalí mayewa japi ke omérima katuwia. Ke ni bilé país newaré japi niyúrima echi guerra, ke cho newaré japi katúwika nokinali” (NPR [radio pública nacional echomí Estados Unidos], 19 inárachi febrero 2023).

Jiti la, wiká pagótami we cha nílika piré jiti nirú risoa ikiwáami echi guerra jitra alí jarecho namuti omáana wichimóbachi. ¿Piri aní echi Biblia? ¿Achi suwábimiré echi guerras?

Bilé guerra japoná suwábima suwaba echi guerras

Echi Biblia ko raʼicha bilé guerra jitra japi ke suwábima echi pagótami, nalí niyúbima. Na guerra ko anéliami ju Armagedón, alí echoná Apocalipsis ruyé japi na guerra ko Onorúami níwala ju, japi Wabé Omérami ju (Apocalipsis 16:14, 16). Onorúami néema na guerra jiti suwábima suwaba echi isélikami jenaʼí Wichimóbachi, japi iyiri ju echi risoa ikiwáami guerras jitra. Jiti mi machimea chúriká echi Armagedón isima japi nirúlima kilí níliwami, leeri echi artículos:

• ¿Qué es el Armagedón?

• La llegada de Armagedón es una buena noticia