Waʼlú bochí baʼwí alí we jilí ju | ¿Piri aní echi Biblia?

Echoná omáana Wichimóbachi, wiká pagótami ko we jilí piré japalí waʼlú bochí baʼwí. Ma inepo japi ikísimi jaréana:

• “Echoná capital de China waʼlú ukuli jena upá 140 bamíali japalí waʼlú bochili baʼwí 744.8 milímetros echalí sábado alí oméachi rawé” (AP News, 2 inárachi agosto 2023).

• “Echi tifón Khanun riwéami, we jiwérami ukí yúrili alí we jiwérami iká echoná sur echomí Japón okuá rawé alí miʼali okuá pagótami. Buyéliwa japi na waʼlú ukí japi pama echi romówali pe 0.6 metros echomí kawírali Taiwán” (Deutsche Welle, 3 inárachi agosto 2023).

• “Echi waʼlú baʼwí japi niruili echi upá tarali [echomí Nueva Escocia] ikili echi we jiwérami ukí japi nili echomí región Atlántica echoná Canadá 50 bamíali jonsa” (BBC News, 24 inárachi julio 2023).

¿Piri aní echi Biblia jepuná namuti jitra?

Japi ikimea echi jubáami rawé

Echi Biblia aní japi ta ma “waminánomí rawé [o jubá rawé]” piré (2 Timoteo 3:1). Jesús ko anili japi jipi rawé “wikabé riwimea wabé majajáriami namuti” (Lucas 21:11). Echi cambio climático isimí japi jipi ikísima wiká chati namuti omáana Wichimóbachi.

Japi ikimea pe aminana

Echoná Bíbliachi ko aní japi echi chati namuti japi jipi ikísimi omáana Wichimóbachi tamó iʼwiri machiyá japi ma kéʼayó suwábitami nima jepuná chati namuti. ¿Chúsiá ti echi riká aní? Jiti Jesús anili jepuná: “Mapalí ʼyémitamo ma riwiboa mapu jeʼná jerigá galá ikí, echalí galá machisí mapu ke ʼme ayó Riosi galá nulema jenaʼí wichimóbachi piréami pagótami” (Lucas 21:31; Mateo 24:3).

Echi namuti japi jipi ikísimi néwariwéliti japi ma kéʼayó Onorúami ko isima japi ma ke echi riká ikimea (Job 36:27, 28; Salmo 107:29).

Jiti mi che machimea japi chúriká echi Onorúami Gobiérnowala we aʼlá checho ku niwama suwaba echi namuti, leeri echi artículo riwéami “¿Quién salvará el planeta?”.