Bamíali 2023 we ratá omáana Wichimóbachi ¿Piri aní echi Biblia?

Echi pagótami omáana Wichimóbachi piréami anachia piré jiti we ratá alí ayénachó anacha jarecho namuti si japi ikí echi ratalí jitra. Iné japi aní jaré jepuná jitra:

• “Ma simírili 174 bamíali japalí jonsa echi pagótami chotásili inea chu kabú nalí ju japi wabé ratá alí ke siné echi yena ratálili japi riká jena michá junio” (Oficina Nacional de Administración Oceánica y Atmosférica, Departamento de Comercio echomí Estados Unidos, 13 inárachi julio 2023).

• “Italia, España, Francia, Alemania alí Polonia echoná piréami we anáchika piré jiti wabé ratá, alí buwéliwa japi echoná islas Sicilia alí Cerdeña aminabi wabé ratálima aminá 48°C [118°F]. Ke siné echi iyena ratálili echoná Europa” (Agencia Espacial Europea, 13 inárachi julio, 2023).

• “Jiti jena Wichimoba aminabi we ratálisimi, ayénachó aminabi we jiwérami ukumea, a keʼré japi echi pagótami risoa ikimea echi baʼwí jitra” (Stefan Uhlenbrook, director de la Sección de Hidrología, Recursos Hídricos y Criosfera de la Organización Meteorológica Mundial, 17 inárachi julio 2023).

¿Ami siwea nili machiyá japi aniwá echi ratalí jitra? Natá japi aní echi Biblia echi namuti we natéami jitra.

¿Achi echi Biblia anili japi jenaʼí Wichimóbachi aminabi we ratálima?

Ayena. Echi ratalí alí jarecho si namuti japi ikísimi jenaʼí Wichimóbachi ju japi anili echi Biblia japi ikimea riweili. Japi riká, Jesús ko anili japi ta inepo “wabé majajáriami namuti” (Lucas 21:11; El Nuevo Testamento de Nuestro Señor Jesucristo en tarahumara de Samachique). Echi ratalí jitra, wiká pagótami ko we majaa nili jiti mayé japi najunárami nima jenaʼí Wichimóbachi.

¿Achi echi pagótami ma ke omérima pirea jenaʼí Wichimóbachi?

Ke. Jiti Onorúami ko niwali jena Wichimoba jiti sinibí pirélipo, jiti la echi ko ke riwema japi echi pagótami najunama (Salmo 115:16; Eclesiastés 1:4). Alí echi ko aní japi “suwábama siʼnéami echi jaré chati oláami pagótami mapu ayénachó wikanáami suwábali jenaʼí wichimóbachi” (Apocalipsis 11:18).

Echi Biblia ko aní japi Onorúami ko omeri isiá japi echi Wichimoba ke tasi najunárami nima echi namuti jitra japi nirú.

• Onorúami “isimí japi echi iká kilí wilibama; japi echi mar ma ke nokea manimea” (Salmo 107:29). Onorúami ko we omériami ju alí echi ko omeri isiá suwaba. Echi ko omeri isiá japi echi pagótami ma ke risoa nilia pirélima echi ratalí jitra.

• “Mujé tibú echi weʼé alí mi isimí japi we aʼlá nima jiti wiká namuti aʼláala rakema” (Salmo 65:9). Onorúami ko isima japi jenaʼí Wichimóbachi we baʼóami nima.

Jiti mi che binema japi aní echi Biblia jepuná namuti jitra, leeri echi artículo “¿Quien salvará el planeta?”.