Ata iʼwiri nimía echi hermanos indígenas jiti kilí nóchilima Jeobá

Echomí Latinoamérica piré wiká cientos millones pagótami. Ayénachó wiká millones piré echoná pueblos indígenas japi riká raʼicha aboi alí noká japi riká echi noká. Wiká hermanos piré echoná. Echi testigos Jeobá ko traduciri echi publicaciones 130 raʼicháliami jiti binérima japi piré echoná pueblos indígenas.a Wiká hermanos we risoa nili mapujiti ke noká japi riká echi pagótami japi ke bichiwi echi Biblia. ¿Chuti riká nee echi winomí jiti ta iʼwíripo jepuná hermanos?

Ati iʼwiri jiti ku bitichí simama

Bilé comunidad huichol echoná kawírili Jalisco (México), echi hermanos ke nokinali jaré namuti japi ke bineri echi Biblia.b We naʼawa nílili jaré pagótami echomí pueblo, jiti la, 4 inárachi diciembre 2017, sayérili echi hermanos alí jarecho si japi echi yúa mochili, ayénachó buyánali echoná pueblo jonsa alí najúnili echi kalí, alí ayénachó aneli japi miʼlimea a ku roʼísaká.

Echi testigos Jeobá japi mulipi pireili echi pueblo, kuʼírili echi hermanos alí iyali japi newaleli. Nalí, ¿chúriká ti iʼwíriporé echi hermanos jiti ku simama bitichí? Bilé hermano Agustín rewéami jéaní: “Tamujé ke ti olali winomí japi ta natétipo echi abogado alí ayénachó ke ti machí kumi ti aapo”.

Echi hermanos sucursal de Centroamérica we sapú kuʼíroli echi hermanos japi ke nakíliwa japi nijéwima Jeobá. Bachá jéaneli echi policías japi nárima jiti machimea piri ikili, alí biché echi Comité de Coordinadores japi nocha japi Aʼlá Niseri yúa echi testigo Jeobá jitra, risensia iyali echi sucursal jiti nochama echi Departamento de Asuntos Legales yúa echi Central Mundial jitra, jiti iʼwírima nimía echi hermanos huicholes. Pe aminana a tóoiru echoná Suprema Corte de Justicia de la Nación japi chunéliwami echomí México.

Jaré abogados japi wikaná países piréami nili, nawésili japi echi pagótami a riwíwisaré echi pueblos indígenas, ayénachó echi pueblos indígenas riwíwisaré anakupi ibili niraa. Sinéami pagótami a omero nokayá japi aboi nakí, tákoré kumi piréami ke.

8 inárachi julio 2020, echi Suprema Corte de Justicia anili japi echi testigos Jeobá a omérima ku simiba echoná pueblo. Agustín jéaní: “Ati we kanili japi riká nokali echi hermanos tamujé kuʼiria, ke ti machí piri ti ikibole ke tamujé iʼwírisaká echi hermanos”.

“Wiká namuti tákoré pe kuabi ju”

Echomí Ecuador, ayénachó echi riká ikili echi hermanos echomí San Juan de Ilu-mán piréami, echoná valle de Otavalo japoná wiká indígenas piré. Echi bamíali 2014, tákoré echi gobierno risensia iyali echi hermanos jiti niwama bilé salón, bilé sacerdote bayeli nokí 100 pagótami alí aneli echi hermanos japi ma ke niwama echi salón, alí echi pueblo piréami nuleli japi echi testigo Jeobá ma ke napawima.

Echi departamentos de Asuntos Legales echoná sucursal del Ecuador alí echi Central Mundial, napawika nóchali jiti iʼwírima nimía echi hermanos japi sayératami nili. Alí japi ikili echi hermanos a tóoiru echoná tribunales. Jepuná ko isili japi echi pagótami ma ke namú olama echi hermanos alí japi ma ku omérima napawía alí sunima niwayá echi salón. Nalí, jiti tibuma echi hermanos japi ikimea pe aminánami, echi hermanos abogados tánili echi tribunales superiores jiti kariwema bilé namuti we natéami: ¿a riwíwisaré echi comunidades indígenas echi derechos humanos internacionales?

16 inárachi julio 2020, echi Corte Constitucional de Ecuador, echi tribunal japi rasíruka jiwérami ju, echoná aʼlá kipuli japi aneli. Echoná mochili hermanos abogados Ecuador piréami, ayénachó mochili naó hermanos abogados japi we machíami ju japi nocha wikaná países. Japalí ma niruli COVID-19 olali echi napawíliwachi videoconferencia niraa jaréanacho países piréami yúa. Kulí siné bi ju japi echi tribunal riweli japi echi riká nokimea.c Echi abogados japi kuʼiro echi hermanos, raʼíchali echi autoridades legales internacionales jitra jiti ruyema japi suwaba pagótami olásaré derechos humanos tákoré indígenas ke.

Jipi ko, echi hermanos del Valle de Otavalo a buwea muchuwi japi animea echi Corte Constitucional, alí ayénachó echi ko matétara nijí jiti iʼwírili. Bilé anciano echoná congregación Ilumán Quichua, César riwéami, aní: “Pe Jeobá bi ju japi isimí wiká namuti jiti kuʼiro echi hermanos tákoré pe kuabi ke”.

Suwaba ka echi abogados testigos Jeobá nili, we kanílika iʼwírili alí ke bujeli. Nalí wiká nóchali nili alí we jilí nili, a wilí nokali kariwea alí ayénachó suwábili winomí. Echi abogados alí jarecho hermanos wilibé nóchali 380 horas simírikami jiti iʼwírima japi ikili echomí México, alí 240 horas nokali traduciria echi oselí. Alí ayénachó nokí 40 abogados omáana wichimóbachi piréami, nóchili wiká horas kuʼiria echi hermanos Ecuador piréami. ¿Chuti riká a omérili kuʼiria echi hermanos tákoré ti newalé wiká winomí? Echi riká ti omeri nokayá echi winomí yúa japi timí nijí echoná página internet donate.jw.org. Waʼlú matétarabá jiti timí we kanílika nijí.