BINELÍWAMI 10
¿Chúsiá we aʼlá ju japi mi simea japoná napawí echi testigo Jeobá?
¿Ami siné kaachi bayeri japi mi simea japoná napawí echi testigo Jeobá? Ami riwela níliré kulí simiyá japoná echi napawí. Nalí ami natámiré: “¿Chu noká echi Testigos japoná napawí? ¿Chúsiá we natéami niraa iné napawía? Alí nijé ru, ¿achó simisáré?”. Jenaʼí mi binema japalí mi simí echi napawíliwachi mi iʼwírima jiti mi Onorúami amígowala nima.
1. ¿Chúsiá we natéami ju napawíliwa?
Bilé japi osali echi Biblia anili chúsiá we natéami ju, echi ko jéanili: “Echoná napawíliwachi ani walubéala anema Jeobá” (Salmo 26:12). Jipi echi testigo Jeobá ayénachó napawí alí we kanili echi riká nokayá. Omáana Wichimóbachi echi Testigos sinibí tarali napawí jiti raʼichama Onorúami yúa alí wikaránima. Sinibí bamíali echi riká cho noká, nalí wiká niraa napawí.
2. ¿Piri mi binema echoná napawíliwachi?
Echoná napawíliwachi ata biné japi aní Onorúami Raʼicháala, alí ruyéliwa piri aniwáami ju (leeri Nehemías 8:8). Aminabi mi binema Jeobá jitra alí japi chúriká ju echi. Japalí mi machisaa japi Jeobá we mi galé, mujé ko we inílima echi amígowala nínala. Ayénachó mi machimea chúriká Onorúami mi iʼwiri jiti mi kanílika bitélima (Isaías 48:17, 18).
3. ¿Chúriká mi iʼwírima napawía jarecho yúa echoná napawíliwachi?
Jeobá ko tamó ané japi “aʼnagupi nagúurabo mapurigata ibili niráa waminabi wabé galéami níibo, ayénachó [...] galabé oláami níibo. Alí ketasi galá níima máputa waminá ariwebo napawíi” (Hebreos 10:24, 25). Echoná napawíliwachi ami machimea pagótami japi we galéami ju alí japi we binénali Onorúami jitra. Alí mi kipuma we simárika raʼíchami echi Biblia jitra (leeri Romanos 1:11, 12). Ayénachó mi omérima raʼichia echi yúa japi echoná napawí, niwíkami alí ke niwíkami, japi chúriká noká anachia echi karú ikiwáami. Jiti bela Jeobá nakí japi ta ke siné riwepo simíaya echoná napawíliwachi.
AMINABI NATABO JAPI TA BINÉ
Inepo chúriká ju echi napawíliwachi japi niwá echi testigo Jeobá alí chúsiá aʼlá ju japi mi simea.
4. Napawíliwami japi niwá echi testigo Jeobá
Echi cristianos bachá siglo piréami ayénachó napawíe binemia Jeobá jitra (Romanos 16:3-5). Leérisi Colosenses 3:16 alí raʼichasi jepuná jitra:
¿Chúriká nokali echi cristianos japalí napawíe?
Jipi echi Testigos ayénachó napawí binemia Jeobá jitra. Jiti mi machimea chúriká ju japoná napawí inesi echi VIDEO. Ayénachó inesi echi dibujo japi chúriká ju echi napawíliwami alí raʼichasi jepuná jitra:
¿Piri namuti chopi iyiri ju japi nokiwá echoná napawíliwachi alí japi riká aní Colosenses 3:16?
Inesa echi video alí dibujo, ¿piri mi galeli japi nokiwá echoná napawíliwachi?
Leérisi 2 Corintios 9:7 alí raʼichasi jepuná jitra:
¿Chúsiá ke tániliwa winomí japoná napawí echi testigo Jeobá?
Echi japi mi bineri yúa, iné japi binéporé echoná napawíliwachi echalí tarali.
Japi binéporé echoná napawíliwachi, ¿chu iyiri mi baʼórili?
¿Ami machiyé?
Echoná jw.org ami machimea chúrikó alí kumi napawí echi testigo Jeobá omáana Wichimóbachi.
Echoná napawíliwachi ati kipú we natéami nawésali, escenificaciones alí videos. Echi ko chotasi wikaraka alí Onorúami yúa raʼichia, echi riká cho ku suní.
Echoná napawíliwachi ayénachó ti omero aniyá japi ta bineli japalí náriwa.
Sinéami omero simíaya echoná napawíliwachi: rijoi, mukí alí echi kuuchi.
Japoná napawí echi testigo Jeobá ke bujéliwa, ke tánima winomí japi echoná si.
5. Iʼwérili ti nokisáré jiti simabo echoná napawíliwachi
Natabo Jesús téemala jitra japi pireili echoná Nazaret, sinibí bamíali bikiá rawé nokayé wérachi isimatia jiti sibama echi templo echomí Jerusalén. Leérisi Lucas 2:39-42 alí raʼichasi jepuná jitra:
¿Achi mi mayé japi we jilí nili simíaya echomí Jerusalén?
Mujé ru, ¿piri namuti we jilírami isísaré jiti mi simea echoná napawíliwachi?
¿Achi we aʼlá nima ami iʼwérili isísaká simiyá? ¿Chúsiá?
Echi Biblia aní japi we natéami ju japi ta napawipo jiti binepo Jeobá jitra. Leérisi Hebreos 10:24, 25 alí raʼichasi jepuná jitra:
¿Chúsiá ke ti riwésaré simíaya echoná napawíliwachi?
JAPI ANÍ JARÉ PAGÓTAMI: “Ke natéami ju japi ti jarecho yúa napawipo binemia Onorúami jitra, ma aʼlá ju jenaʼí bitichí a binesa”.
¿Chu iyiri texto o ejemplo néeka mi binérima japi Jeobá nakí japi ta nokiboa?
JAPI MI BINELI
Simiyá echoná napawíliwachi mi iʼwírima jiti mi aminabi mulíwima Jeobá, echi amígowala nima alí mi nijéwima japi riká noká jarecho.
Piri mi animea
¿Chúsiá Jeobá nakí japi ta simabo echoná napawíliwachi?
¿Piri mi binema echoná napawíliwachi japi niwá echi testigo Jeobá?
¿Chúriká ayénachó mi iʼwírima echi napawíliwachi?
JITI MI CHE BINEMA
¿Ami riwela nili simiyá echoná napawíliwachi? Bilé rijoi japi echi riká nili we galeli japalí ma simili. Iné chúsiá.
Ami machimea bilé remalí japi we kanilie simiyá echoná napawíliwachi alí mi inema chu isili jiti ke riwema simiyá.
Leeri piri nata jarecho echi napawíliwachi jitra.
“¿Chúsiá aʼlá keʼré simiyá japoná napawí echi testigo Jeobá?” (Oselí japi nirú echoná jw.org)
Ami machimea chúriká echi napawíliwachi, iʼwírili bilé rijoi japi we cha isíami nili jiti pe aminana riwema echi riká isiá.
“Ke ni siné riwéi echi pistola” (Echi Nawésami, 1 inárachi julio 2014)