IʼWIRI JAPI MI BINERI JITI SIMEA NAPAWÍLIWACHI | KANÍLIKA BINÉRISI ECHI PAGÓTAMI
Iʼwiri japi mi bineri jiti simea napawíliwachi
Echi napawíliwachi we natéami ju jiti ta echi riká Jeobá nijewi (Sl 22:22). Sinéami japi simía echoná napawíliwachi we kaníliami ju alí wiká namuti aʼlá naré (Sl 65:4). Echi binéami ko wabé sapú nijewi japi Jeobá aní japalí simía echoná napawíliwachi.
¿Chúriká mi iʼwírima echi binéami jiti simea napawíliwachi? Wisabé niraa bayé. Ayénachó riwiri echi video ¿Chu nokiwá japoná napawíliwa? alí ruyé chúsiá we natéami ju japi simea (lff binelíwami 10). Ruyé japi mi bineli echoná napawíliwachi o japi binepo che biléala tarali. Julá japi jitra binepo echoná napawíliwachi o ruyé echoná JW Library® japoná aní “Reuniones” alí iʼwiri jiti omérima simiyá echoná napawíliwachi. Japalí mi isisa suwaba echi namuti we mi kanílima japalí echi binéami ma simisaa echoná napawíliwachi (1Co 14:24, 25).
INEPO ECHI VIDEO IʼWÍRIPO ECHI BINÉAMI JITI SIMEA NAPAWÍLIWACHI, ALÍ ANISÍ JAPI TI MI NÁRIPORÉ JENAʼÍ:
¿Chúriká bayeli Rita echi Coral jiti simea echoná napawíliwachi?
¿Chúsiá ti we kanili japalí echi binéami simí echoná napawíliwachi?
“Onorúami emi yúa atí”.
¿Chu nili echi Coral japalí simili echoná napawíliwachi?