Natchigagü i Ngutaqueꞌearü Nguꞌarü Popera Maü̃ rü Puracücaꞌ
3-9 YANERUARÜ
TUPANAARÜ ORE I MEÜ̃GÜ UIRURÜÜ̃ IĨÜ̃ | JUÍZES 15-16
“Yeuwa natchi naai i womüẽẽgüü̃”
w12 15/04 8-9wa 4tchimaü̃
4 Chacháũ Daríraü̃ nangetchaü̃. Nüma rü Firitéutanüü̃güü̃ narüporamaetchaü̃. Notürü yatügü ga Firitéutanüü̃gü nüü̃ nacuaꞌgü ga Daríra tama aicuma Chacháũü̃ tangetchaü̃, rü yemacaꞌ tüna naãtchaü̃ i dĩẽru na Chacháũü̃ tawomüẽẽü̃caꞌ rü nüü̃ tacuaꞌü̃caꞌ ga ‘ngetá ne naũü̃ ga yema norü pora’ na nüü̃ tarüporamaegüü̃caꞌ. Daríra yema rü taütchaü̃ notürü tamaẽꞌpüꞌcüna Chacháũ tüü̃ nawomüẽẽ. “Rü ngĩma ga Daríra rü wüitchigü ga ora nüü̃ icaaꞌü̃etcha rü yemacaꞌ ga nüma ga Chacháũ rü natchieãẽ rü düwa yuꞌgu nügümaã narüĩnü. Rü düwa Daríramaã nüü̃ niu rü nhanagürü: Tchorü bucürüwa taúema tchoü̃ tiyoeru, yerü naü̃pa ga na tchabuü̃ rü Tupanacaꞌtama woe ítchaüütchi. Notürü ngẽguma tchi tchoü̃ yayoerugügu rü ngẽguma i tchama rü tá ítchanaturaãtchi rü ngeü̃rüüü̃ i duü̃ü̃rüü̃mare tá tchiĩ, nhanagürü”. Rü yeguma yemaü̃ tacuaꞌgu ga Daríra, rü yatügü ga Firitéutanüü̃gümaã nüü̃ tiu ga nhuãcü Chacháũü̃ tarüporamaegü. (Juí 16:4, 5, 15-21) Daríra dĩẽrugagu tchieü̃ namaã taü ga teé tüü̃ nangetchaü̃.
w05 15/01 27wa 3tchimaü̃
14:16, 17; 16:16. Tchiri nidea rü naau na togüü̃ natchieweü̃caꞌ rü duü̃ü̃güna nüü̃ niĩgatchiẽẽ. — Prov 19:13, 21:19, TNM
w12 15/04 11-12wa 15-16tchimaü̃gü
15 Nhuãcü namaꞌü̃ rü ãteü̃ guü̃guma meã wüigu namaẽama? Tupanaarü Ore rü nhanagürü: “Rü name niĩ i taãẽãcü ngĩmaã cumaü̃ i ngẽma cumaꞌütchi”. (Pro 5:18, Ecl 9:9, TNM) Nawaꞌegü guü̃guma nügüna nadaugü rü nügümaã nangetchaü̃waꞌegü. Rü ta, nagu rüĩnü na nhuãcü norü ngĩ ínapoü̃ rü norü õna nadau. Ngẽmacaꞌ, name guü̃guma wüigu Tupanaarü Orewa naugütae, rü wüigu Tupanaü̃ napuracüe rü wüigu Tupanacaꞌ nayumüẽgü.
GUÜ̃GUMA AICUMA YEUWAGA NAĨNÜ
16 Nhugüãcü i yaõgüü̃tücumüwa nümaü̃ i taenegü nanayaugü i poraãcü i ucuꞌẽgü erü tchieü̃ naüü̃ i Tupanapeꞌewa “na aicuma meã yaõgüãü̃caꞌ”. (Titu 1:13) Nümaü̃ tama nüü̃ narüoe i norü tchieü̃, rü ngẽmacaꞌ ínataütchigü. Notürü, “ngẽmawena i ngẽguma naga iĩnüẽgu rü yanguẽẽgu i ngẽma tamaã nüü̃ yauü̃”, nümagü wenaarü Yeuwana nangaicamaü̃. (Ebr 12:11) Ngẽguma wüi duü̃ü̃ i nüü̃ ingetchaü̃güü̃ ínataütchigu rü bemana poraãcü tórü õ naü. Notürü, Yeuwa tüü̃ nangugü na nüü̃ nacuaꞌü̃caꞌ tchi norü muga iĩnüẽgu ngẽma ítaütchiü̃tchigawa. — Leia 1 Corĩ́tiucü̃ãꞌ 5:11-13
Nguꞌẽẽtaegü uirurüü̃ iĩü̃
w05 15/03 27wa 6tchimaü̃
Chacháũ nanawaꞌe Firitéutanüü̃güü̃ narüporamae, rü yemacaꞌ ngeü̃ ga ngeãẽü̃patagu napeü̃. Notürü, yema ngãü̃cüü tapatawa ínatchoü̃ rü Tupanaarü poramaã nayau ga ĩãnearü ĩãꞌgü rü nayange ga yema ĩãꞌgü maꞌpǘne ga Ebróü̃wa. — Juí 16:1-3, TNM
10-16 YANERUARÜ
TUPANAARÜ ORE I MEÜ̃GÜ UIRURÜÜ̃ IĨÜ̃ | JUÍZES 17-19
“Tama Yeuwaga naĩnü gutchaü̃gü nacaꞌ íngu”
it-2 369wa 7tchimaü̃
Mica nüü̃ nayema muü̃tchi i tupananetchicünaꞌãgü rü naneü̃ nauneta na nacaꞌ tchatcherdóte niĩü̃caꞌ. Woo naü ga yema na Yeuwaü̃ nicuaꞌüü̃, nüma rü nagu nidaucüraü̃ erü tama Yeuwaarü mugüga naĩnü (Êxo 20:4-6), rü ta nagu nidaucüraü̃ ga Yeuwapata rü norü tchatcherdótegü. — Juí 17:1-6, TNM, Deut 12:1-14, TNM
it-2 369wa 9tchimaü̃
Yemawena, Dáũtanüü̃gü nanayau guü̃ma ga tupananetatchicünaꞌãgü ga Mica nüü̃́ nayema. Mica rü norü duü̃ü̃gü tama Dáũtanüü̃gümaã nügü nadai erü taucürüwa nüü̃ narüporamae, yemacaꞌ napatawa nawoegu. — Juí 18:22-26, TNM
Nguꞌẽẽtaegü uirurüü̃ iĩü̃
w15 15/12 10wa 6tchimaü̃
6 Wüitchigü i nguneü̃gu nangẽma yeera i poperagü na nanaweꞌ ga Tupanaarü Orewa nangẽma i Tupanaéga. Rü Tradução do Novo Mundo na naügüü̃ ga 2013arü nawa nangẽma 7.216 eꞌpüꞌcüna i Tupanaéga. Rü ngẽmacaꞌ nawa nangẽma 6 eꞌpüꞌcünaarü yeera i Tradução do Novo Mundo ga naügüü̃ ga 1984arü. Ngẽma rü nangupetü erü Rolos do Mar Morto naweꞌ i Tupanaéga i ngẽma wetchicurugü: 1 Samuel 2:25, 6:3, 10:26 rü 23:14, 16. Rü ta Juízes 19:18 nangẽma i Tupanaéga erü yeera nacaꞌ tanguꞌ i nümaü̃ i Tupanaarü Ore i ümatüü̃ i nũcümaü̃tchigüü̃.
17-23 YANERUARÜ
TUPANAARÜ ORE I MEÜ̃GÜ UIRURÜÜ̃ IĨÜ̃ | JUÍZES 20-21
“Yeuwaarü ngü̃ẽẽcaꞌ nacaama”
w11 15/09 32wa 2tchimaü̃
Gibeáarü yatügü ga Bẽyamítanüü̃gü rü nanadai ga namaꞌ ga yatü ga Lewítanüü̃. Rü yemawena yatügü ga Iraéutanüü̃gü rü nügü nameẽẽ na Bẽyamítanüü̃gümaã nügü nadaiü̃caꞌ. (Juí 20:1-11) Notürü woo Yeuwacaꞌ ínacaꞌ ga norü ngü̃ẽẽ rü tareeꞌpüꞌcüna Bẽyamítanüü̃gü Iraéutanüü̃güü̃ narüporamaegü. (Juí 20:14-25, TNM) Eꞌna Yeuwa tama nüü̃ naĩnü̃?
w05 15/01 27wa 7tchimaü̃
20:17-48 — Tüꞌcüü̃ Yeuwa tama nanatchuꞌu ga Bẽyamítanüü̃gü rü tareeꞌpüꞌcüna Iraéutanüü̃güü̃ narüporamaegü? Erü nüma rü nanawaꞌe ga Iraéutanüü̃gü ãũrima nügü naporaẽẽ na tchieü̃ü̃ narüoeü̃caꞌ ga Iraéuãnewa.
w11 15/09 32wa 4tchimaü̃
Taꞌacü nawa icuaꞌgüü̃? Woo anciãogü nügü naporaẽẽ rü mueꞌpüꞌcüna Yeuwacaꞌ ínaca i norü ngü̃ẽẽ rü nümaü̃ i gutchaü̃gü tama paãma yaguꞌ i yaõgüü̃tücumüwa. Rü ngẽmacaꞌ name niĩ nüna nacuaꞌãtchie i ngẽma Ngetchutchuarü ore i nhaü̃: “Nacaꞌ ípeca rü Tupana rü tá pena nanaã! Rü Tupanacaꞌ pedaꞌ rü tá nüü̃ ipeyangau! Rü ĩãꞌwa: Tu tu tu nhapegü, rü tá pecaꞌ niwãna i ĩãꞌ!” (Luca 11:9) Woo tacaꞌ nanũcü i norü ngü̃ẽẽ, rü anciãogü nagu nayaõgüü̃ na Yeuwa rü nüü̃ narüngü̃ẽẽ tá i meã ngoragu.
Nguꞌẽẽtaegü uirurüü̃ iĩü̃
w14 01/05 11wa 4-5tchimaü̃gü
Yeguma Dawí ngetüꞌü̃ niĩgu wüi magütaeü̃maã Goríaü̃ nimaꞌ. — 1 Sam 17:40-50
Nũcümaü̃tchi yeguma wüi tchurara guerawa naũgu ga magütaeü̃maã ga nawa nayema wüi tchacu natchaꞌmünacaꞌ rü nümaü̃ ga püꞌü ga nutaacü ga ibáipüꞌücü. Duü̃ü̃ naétuétüwa nadiegu ga magütaeü̃ rü nuta nanacuꞌü̃caꞌ.
24-30 YANERUARÜ
TUPANAARÜ ORE I MEÜ̃GÜ UIRURÜÜ̃ IĨÜ̃ | RUTE 1-2
“Guü̃guma aicuma togüü̃ nangetchaü̃”
w02/16 14wa 5tchimaü̃
5 Woo Rúchitanüü̃ Moábigu napeü̃ tüma rü Noemímaã taũ ga Beréü̃wa. Beréü̃gu, Noemí tama Rúchiü̃ tarüngü̃ẽẽ rü yemacaꞌ tüü̃ taucuꞌẽ na Moábicaꞌ itáeguü̃caꞌ. Rü ta, Órfa marü ‘ngĩtchiü̃caꞌ rü ngĩrü tupanagücaꞌ itáegu’. (Rute 1:9-15) Taꞌacü taü ga Rúchi? Eꞌna na Rúchi tümaarü iãnecaꞌ rü tupanagücaꞌ itáegutchaü̃? Tama.
w02/16 14wa 6tchimaü̃
6 Rúchi Yeuwaü̃ tacuaꞌü̃. Bemana tümate rüeꞌna Noemí tüü̃ nanguꞌẽẽ i natchiga. Yeuwa tama Moábiarü tupanagürüü̃ niĩ. Rúchi nüü̃ tacuaꞌ ga tanawaꞌe Yeuwaü̃ ticuaꞌüü̃ rü nüü̃ tangetchaü̃. Rü yemacaꞌ, Rúchi nüü̃ iuneta Yeuwaü̃ ticuaꞌüü̃, rü Noemíü̃ ngĩgürügü: “Curü ĩane rü tchorü ĩane tá niĩ, rü yimá curü Tupana, rü tchorü Tupana tá niĩ.” (Rute 1:16) Rúchi aicuma Noemíü̃ tangetchaü̃ notürü yeera Yeuwaü̃ tangetchaü̃. Rü yemacaꞌ ‘Tupana ngü̃ẽẽcaꞌ tadaucü’. (Leia Rute 2:12.) Yeuwa Rúchina nadau nhama wüi tanatürüü̃ niĩ.
Nguꞌẽẽtaegü uirurüü̃ iĩü̃
w05 01/03 27wa 2tchimaü̃
1:13, 21 — Eꞌna Yeuwa tüna naã ga gutchaü̃ a Noemí? Tama, Noemí tama tchiri Tupanatchiga idea. Notürü, nagu tarüĩnü na tama Yeuwaü̃ tataãẽẽẽ. Rü yemacaꞌ tama taãẽcü ga Noemí. Rü ta tümanegü nayue rü natauma i tümataagü. Rü Noemícaꞌ rü Yeuwa tümaarü maü̃ü̃ nagutchaẽẽ.
31 YANERUARÜ–6 FEWERERUARÜ
TUPANAARÜ ORE I MEÜ̃GÜ UIRURÜÜ̃ IĨÜ̃ | RUTE 3-4
“Ngeü̃rüüü̃ i nacüma cuü̃ nangẽma??”
w12 01/10 22wa 5tchimaü̃
Buá Rúchiü̃ nataãẽẽẽ rü nhanagürü: “Cori ya Tupana cuü̃ rüngü̃ẽẽ! Rü nhuꞌmawai niĩ i meã cunangoꞌẽẽü̃ na aicuma nüü̃ cungetchaü̃ü̃ ga gumá cute ga marü yucü, erü tchoü̃ cuyau cuteü̃ i tchama i cutetanüü̃ na tchiĩü̃. Rü tama nacaꞌ cudau ya wüi ya cute ya tchoü̃ rüngetüꞌümaecü ya dĩẽruã́cü, rü woo tama dĩẽruã́cü.” (Rute 3:10) Rúchi aicuma Noemíü̃ tangetchaü̃ rü yemacaꞌ Iraéuãnewa tamaã taũ na tüna tadauü̃caꞌ. Rü ta, Rúchi tama nacaꞌ tadau ya wüi ya tümate ngetüꞌũ notürü Noemícaꞌ nagutchaãẽ rü nacaꞌ tadau i tümate i Noemítetanüü̃wa. Yema rü nanaweꞌ na Rúchi tama tügüguicatama rüĩnüẽ.
w12 01/10 23wa 1tchimaü̃
Rúchi tataãẽ yeguma Buá tümamaã nüü̃ niugu na guü̃ma i duü̃ü̃gücaꞌ tüma rü ‘wüi i nge i mecü na iyiĩü̃’ erü Rúchi Yeuwaü̃ tacuaꞌtchaü̃ rü nacaꞌ tapuracütchaü̃. Rü ta, Rúchi Noemícaꞌ rü Iraéutanüü̃gücaꞌ tagutchaãẽ, rü meãma itayau i nacümagü. Tchi Rúchirüü̃ tiĩgügu, yigü iporaẽẽgü na duü̃ü̃gücaꞌ tagutchaãẽẽgü.
w12 01/10 24wa 3tchimaü̃
Buá rü Rúchimaã naãmaü̃. Tupanaarü Ore rü nhanagürü: Yeuwa “rü ngĩna nanamu ga wüi ga ngĩne.” Ngeü̃gü ya Beréü̃cü̃ãꞌ Rúchiü̃ ítaãẽẽẽ rü Noemímaã nüü̃ tiugü na Rúchi tüü̃́ ‘ime i norü yeera ya 7 ya tümanegü’. Rü Rúchi nane Obéyi niĩ rü ãẽꞌgacü ga Dawíarü oꞌi iĩcü. (Rute 4:11-22) Rü Dawí Ngetchutchuarü oꞌi niĩ. — Mat 1:1
Nguꞌẽẽtaegü uirurüü̃ iĩü̃
w05 01/03 29wa 3tchimaü̃
Yeguma wüi natanücü duü̃ü̃ i ngearü dĩẽruãü̃ narüngü̃ẽẽgu rü nacaꞌ natae yema duü̃ü̃na üü̃ i naãne, nüma rü naütanü i naãnearü naütanü rü yema yabugütchigüü̃gu nangu. (Lev 25:25-27, TNM) Rü nhugüãcü yema rü nüü̃ natatanü. Rü nhuꞌmatchi, tchi Rúchi tüü̃ nayemagu i ngĩne, yema ngĩnearü niĩ i guü̃ma i naãne i natanücü naütanü rü tama natanücütanüü̃.
7-13 FEWERERUARÜ
TUPANAARÜ ORE I MEÜ̃GÜ UIRURÜÜ̃ IĨÜ̃ | 1 SAMUEL 1-2
“Guü̃ i curü maü̃maã Yeuwacaꞌ nayumüẽ”
ia 55wa 12tchimaü̃
12 Ána wüi meẽtchi i cuaꞌruü̃ i Yeuwaarü duü̃ü̃gücaꞌ. Rü Yeuwa nanawaꞌe na norü duü̃ü̃gü namaã nüü̃ niu i guü̃ma i norü gutchaü̃gü rü norü ĩnügü. (Nawa naugütae Salmo 62:8, 1 Techarónicacü̃ãꞌ 5:17) Ngẽmacaꞌ Pedru ngẽmatchiga rü nhanagürü: ‘Rü name niĩ i Tupanameꞌẽgu penaü i guü̃ma i perü oegaãẽgü, erü nüma ya Tupana rü guü̃guma pegu narüĩnü rü aicuma pena nadau.’ — 1 Pe 5:7
w07 15/03 16wa 4tchimaü̃
Ngẽguma Yeuwacaꞌ iyumüẽgügu i tórü gutchaü̃gütchiga, inawaꞌegü namaã nüü̃ tiugü i guü̃ma i tórü ĩnügü rü ngü̃ẽẽcaꞌ taca. Tchi gutchaü̃ taũta yaguꞌgu, inawaꞌegü Tupanameꞌẽwa tangegü i ngẽma gutchaü̃. — Prov 3:5, 6
Nguꞌẽẽtaegü uirurüü̃ iĩü̃
w05 15/03 21wa 5tchimaü̃
Moichéarü mugü nüü̃ niu ga wüi ãẽꞌgacü Iraéutanüü̃gümaã ínacuátchi. (Deut 17:14-18, TNM) Norü yuü̃pa Yacú nüü̃ niu ga Iraéuãnewaarü ãẽꞌgacügü Yudáwa ne naĩ. (Gên 49:10, TNM) Rü nhuꞌmatchi, Cháratchiga Yeuwa rü nhanagürü: “Rü ngẽma ngĩtaagü rü ĩanegüarü ãẽꞌgacügü tá niĩgü.” (Gên 17:16) Yemacaꞌ, Ána Yeuwacaꞌ iyumüẽ i ngẽma ãẽꞌgacügütchiga.
14-20 FEWERERUARÜ
TUPANAARÜ ORE I MEÜ̃GÜ UIRURÜÜ̃ IĨÜ̃ | 1 SAMUEL 3-5
“Yeuwa norü duü̃ü̃gücaꞌ nagutchaãẽ”
w09/18 24wa 3tchimaü̃
3 Buü̃gucürüwa Chamué Tupanapatawa napuracü. (1 Sam 3:1) Rü wüi ga tchütaü̃ Chamué nüü̃ naĩnü ga wüi ga naga rü nagu rüĩnü ga Erí namaã nideatchaü̃ rü yemacaꞌ Eríü̃tawa naũ rü nhanagürü: “Dae tchiĩ rü nua tchangema. Rü taꞌacücaꞌ tchaucaꞌ cuca?” Notürü Erí nhanagürü: “Taguma niĩ i cucaꞌ tchacaꞌü̃”. Yema rü tamaẽꞌpüꞌcüna nangupetüü̃, rü yemacaꞌ Erí nüü̃ nicuaꞌãtchi ga Yeuwa Chamuécaꞌ naca. (Nawa naugütae 1 Samuel 3:2-10.) Tupanaarü Ore tama nüü̃ niu na tüꞌcüü̃ Yeuwa yemaãcü naü, notürü yema rü nanaweꞌ na Chamuécaꞌ nagutchaãẽ.
w09/18 24wa 4tchimaü̃
4 Nawa naugütae 1 Samuel 3:11-18. Yeuwaarü mugü nanamu na duü̃ü̃gü nanawaꞌe rü yaẽgüü̃maã namecümaü̃. (Êxo 22:28, TNM, Lev 19:32, TNM) Rü yemacaꞌ Chamuécaꞌ nagutchaü̃tchi norü ngútchaü̃maã Erímaã nidea ga Yeuwaarü Ore erü nüma rü namuü̃. Notürü Tupana Eríü̃ naweꞌ na Nüma rü Chamuémaã nidea ga yema tchutaü̃. Rü yemacaꞌ Erí rü Chamuécaꞌ naca rü nhanagürü: “Rü guü̃ü̃táma tchamaã quiu, rü tauü̃táma iquicuꞌ!” Chamué naga naĩnü rü “guü̃ü̃ma Erímaã niu rü tauü̃ma iniicuꞌ”.
Nguꞌẽẽtaegü uirurüü̃ iĩü̃
w05 15/03 21wa 6tchimaü̃
Tama. Chamué tama wüi tchatcherdóte niĩ. (1 Crô 6:33-38, TNM) Yemacaꞌ nanatchuꞌu na nüma rü yema natchicawa naücu. (Núm 4:17-20, TNM) Bemana Chamué rü Erí rü ucapuwa napeü̃ ga Tupanapatawa.
21-27 FEWERERUARÜ
TUPANAARÜ ORE I MEÜ̃GÜ UIRURÜÜ̃ IĨÜ̃ | 1 SAMUEL 6-8
“Teé cunawaꞌe na cumaã ínacuá?”
it-2 813wa 1tchimaü̃
Iraéutanüü̃gü nacaꞌ naca ga yatü na namaã ínacuáü̃caꞌ narüü̃ i to natchiü̃ãnecü̃ãꞌgü. Yema rü nanaweꞌ ga nümagü tama nanawaꞌe na Yeuwa namaã ínacuá. (1 Sam 8:4-8) Nũcüma, Yeuwa marü namaã nauneta na wipeꞌewa nangẽma tá i meü̃ i ãẽꞌgacü na namaã ínacuáü̃caꞌ (Gên 49:8-10, TNM, Êxo 19:3-6, Deut 17:14, 15, TNM, Núm 24:2-7, 17, TNM rü 1 Sam 2:7-10, TNM). Notürü, yema nguneü̃gu Yeuwaarü ngútchaü̃ taũta inanguü̃. Rü yemacaꞌ Iraéutanüü̃güarü ngútchaü̃ rü tchieü̃ niĩ ga Tupanapeꞌewa.
w11 01/01 27wa 2tchimaü̃
Yeuwa rü Chamuéü̃ nangãü̃ga rü nhanagürü: “Ẽcü naü i ngẽma cuna nacaꞌ nacagüü̃! Erü tama cuü̃ niĩ i naooꞌgüü̃, rü tchoü̃wai niĩ, erü tama nanawaꞌegü i norü ãẽꞌgacü na tchiĩü̃.” Yema oregü Chamuéü̃ nataãẽẽẽ notürü Yeuwaü̃ poraãcü nangetchaü̃ẽẽ rü nagu nidaucüraü̃. Yeuwa Chamuémaã nüü̃ niu na Iraéutanüü̃güü̃ naucuꞌẽ ga yema norü uneta tchieü̃ niĩ. Notürü nüma ga yema duü̃ü̃gü, rü tama inarüĩnüetchaü̃ ga yema Chamué namaã nüü̃ iuü̃ rü nhanagürügüama: “Nüétama, rü tanawaꞌegü i toü̃́ nangema ya wüi ya ãẽꞌgacü ya réi.” Chamué guü̃guma Tupanaga naĩnü, rü yemacaꞌ Chamué naü ga yema nacaꞌ ínacagüü̃. — 1 Sam 8:7-19
w10 15/01 30wa 9tchimaü̃
9 Wüi yatü Iraéutanüü̃gümaã ínacuá nüü̃ natautchaẽẽ na gutchaü̃gü nüü̃ nangupetüü̃caꞌ. Yema rü yeera nangupetü yeguma ãẽꞌgacü tama Tupanaga naĩnügu. Nũcümaü̃tchirüü̃, nhamaãcüü naãnearü ãẽꞌgacügü tama meã togümaã ínacuá erü tama Yeuwaü̃ nacuaꞌgü rü tama naga naĩnüẽ. Rü ngẽmacaꞌ taucürüwa niĩ Tupanacaꞌ naca i ngü̃ẽẽ erü tama Tupanaarü ngútchaü̃ naügüü̃ ya ãẽꞌgacügü. — Sal 2:10-12
Nguꞌẽẽtaegü uirurüü̃ iĩü̃
w02 01/04 12wa 13tchimaü̃
13 Guü̃ma i Yeuwaarü duü̃ü̃ nawaꞌe nüü̃ rüoeü̃ i nacümagü i tchieü̃ i norü baieü̃pa. Norü ngútchaü̃maã naü i ngẽma erü nanawaꞌe guü̃ i norü maü̃maã Ngetchutchuwe narüũ. Ngẽguma wüi duü̃ü̃ naügu i ngẽma, nüma rü nanaweꞌ na meã tamaü̃tchaü̃ i Tupanapeꞌewa. (1 Reis 8:33, 34) Na nüü̃ narüoeü̃caꞌ i nacüma i tchieü̃, nawaꞌe na Tupanacaꞌ nadau, rü meã namaü̃ na duü̃ü̃gü nüü̃ daugüü̃caꞌ na aicuma nayaõü̃. (Pur 26:20) Rü ta, nawaꞌe na tupananetagüna niũgatchi rü Yeuwaguicatama narüĩnü rü nüü̃ nicuaꞌüü̃. (Deut 30:2, 8-10, TNM, 1 Sam 7:3) Ngẽma nacüma nüü̃ narüngü̃ẽẽ na nanameẽẽü̃caꞌ i norü ĩnü rü nacümagü. (Eze 18:31) Rü ngẽmaãcü, name niĩ i Tupanana nügü naã na naãẽ i üüneü̃ nawa puracüü̃caꞌ rü na nangewacaü̃ẽẽãü̃caꞌ i naãẽ. — Pur 3:19, Epé 4:20-24 rü Cor 3:5-14
28 FEWERERUARÜ–6 MARÇUARÜ
TUPANAARÜ ORE I MEÜ̃GÜ UIRURÜÜ̃ IĨÜ̃ | 1 SAMUEL 9-11
“Chaú nügü írüíra naü̃pa ga Iraéutanüü̃gümaã ínacuá”
w 08/20 10wa 11tchimaü̃
11 Yeguma Yeuwa Chaúü̃ naunetagu, nüma rü nügü írüíraü̃ rü nüü̃ nacuaꞌü̃ ga norü gutchaü̃gü rü tama nanawaꞌe guü̃ma i Iraéuãnearü ngẽmaü̃gü rü nameꞌwa nayemaü̃. (1 Sam 9:21; 10:20-22) Notürü, nhure ga tauemacü ngupetügu rü Chaú nügü írutaü̃. Wüi ga nguneü̃gu, Chaú tama yana Chamuémaã naĩnüü̃ rü tchieü̃ naü i Tupanapeꞌewa. Yema rü Yeuwaü̃ nangetchaü̃ẽẽ rü yemacaꞌ Yeuwa tama naétü nawémeꞌ na Iraéutanüü̃gümaã ínacuáü̃caꞌ. (1 Sam 13:8-14, TNM) Ngẽma orewa icuaꞌgüü̃ na inawaꞌegü guü̃guma yigü írüíragüü̃.
w14 15/03 9wa 8tchimaü̃
8 Chaúarü cuaꞌruü̃ tüü̃ naweꞌ na ngẽguma wüi duü̃ü̃ nügü írütaü̃gu ngẽma rü meü̃ i nacümagüü̃ natchiẽẽ. Yeguma Yeuwa Chaúü̃ naunetagu, nüma rü nügü írüíraü̃ rü nüü̃ nacuaꞌü̃ ga norü gutchaü̃gü. (1 Sam 9:21) Chaú tama tchieü̃ ga Iraéutanüü̃gümaã naü woo tchiri natchiga nideagü. (1 Sam 10:27) Rü ta, naãẽ i üüneü̃ Chaúmaã ínacuá, rü yemacaꞌ Amóũtanüü̃güü̃ narüporamae. Yemawena, nüma rü Yeuwaü̃ natatchigaẽẽ ga yemagagu. — 1 Sam 11:6, 11-13
w95 15/12 10wa 1tchimaü̃
Amóũtanüü̃gü Iraéutanüü̃gü tchieü̃ naügüü̃. “Rü yeguma yema oreü̃ naĩnügu ga Chaú, rü Tupanaãẽ nüna nangu rü poraãcü nanu ga Chaú.” Naãẽ i üüneü̃ Chaúü̃ narüngü̃ẽẽ, rü yemacaꞌ Iraéutanüü̃gü Amóũtanüü̃güü̃ narüporamae rü “guema maẽe, rü tügümaã tanawoone, rü yemacaꞌ taúema ãmücüe”. — 1 Sam 11:6, 11
Nguꞌẽẽtaegü uirurüü̃ iĩü̃
ia 73wa 19-20tchimaü̃gü
19 Eꞌna ga Chamué nangetchaü̃ yeguma Chaúü̃ tchiü̃maã nabaerugu na Iraéutanüü̃güarü ãẽꞌgacü niĩü̃caꞌ? Tama. Nüma rü Yeuwaga naĩnü rü meãma nanayau ga Chaú. Rü nüma ga Chamué rü guãna naca rü nhanagürü: “Marü nüü̃ pedauü̃ ya yimá Cori ya Tupana nüü̃ unetacü na perü ãẽꞌgacü i réi yiĩü̃caꞌ? Rü natauma i wüi i Iraéuãnecüãꞌ i namaã wüiguü̃.” — 1 Sam 10:1, 24
20 Chamué naguicatama rüĩnü ga Chaúarü mecümagü. Rü ta, nüü̃ nacuaꞌ i guü̃ ga norü maü̃wa Yeuwaga naĩnü rü nüü̃ nataãẽẽ ga Chamué. (1 Sam 12:1-4) Nüma rü guü̃guma Iraéutanüü̃güü̃ naucuꞌẽ rü nüü̃ nataãẽẽẽ na Yeuwaü̃ napuracüeamaü̃caꞌ. Rü yemacaꞌ Iraéutanüü̃gü Chamuécaꞌ naca na nacaꞌ nayumüẽü̃caꞌ rü nüma rü nhanagürü: “Rü nhuꞌmawena i tchama rü tama tchanawaꞌe i nüü̃ tcharütchau na pecaꞌ tchayumüẽü̃, erü ngẽma rü tchieü̃ niĩ. Rü ngẽmacaꞌ tá peü̃ tchangúeẽẽama na meã Cori ya Tupanacaꞌ pemaẽü̃ rü meã nawe na perüĩü̃caꞌ”. — 1 Sam 12:21-24