Rí nagi̱ʼdu̱u̱ náa sección 10

Jeobá nindxu̱u̱ Rey náa xúgíʼ dí rígá. Ikhaa naʼtáñajunʼ xúgíʼ ga̱jma̱a̱ ikhaa maʼtáñajunʼ má xúʼko̱. Mbá xkri̱da, niʼni kríyaaʼ Jeremías índo̱ inuu makhañúu náa mbá pozo. Niʼni kríyaaʼ Sadrac, Mesac ga̱jma̱a̱ Abegnego náa mbá horno rí nakha, ga̱jma̱a̱ niʼni kríyaaʼ Daniel mu xúphi̱i̱ león. Ma̱ngaa Jeobá niñewu̱u̱n Ester mu ikhaa ma̱ndoo maʼni kríyaaʼ xuajñu. Xániñuʼ marigá kámuu mbiʼi dí raʼkhí. Rí nijuiʼtáriyaʼ ga̱jma̱a̱ numuu xándú bi̱ mba̱a̱ wéñuʼ ga̱jma̱a̱ ixi̱ rí mba̱a̱ wéñuʼ nasngájmulúʼ dí Reino ndrígóo Jeobá nacha̱ maʼni gámbáa xúgíʼ dí ra̱májánʼ ga̱jma̱a̱ maʼtáñajunʼ náa tsu̱du̱u̱ ku̱ba̱ʼ.