Bi̱ nutaraʼa numuu Jeobá. Tsíin ni̱ndxu̱ún

Náa artículos rígi̱ gúʼyáá xú káʼnii gándoo mambaxúlúʼ itháan májánʼ gajmiúlú Dios ga̱jma̱a̱ manindxu̱lúʼ cristiano bi̱ nandxa̱ʼóo májánʼ edxu̱u̱. Ma̱ngaa mbuʼyáá xú káʼnii gúʼsngáá ku̱ma̱ ndrígúlú mu mambáyulúʼ muraʼwíí muʼni rí májánʼ náa vida ndrígúlú.

Náa artículo rígi̱ naʼthúlúʼ índo̱ Pedro niʼniminaʼ maʼga̱ kruámuʼ náa lamáa ndrígóo Galilea ga̱jma̱a̱ naʼsngúlúʼ mbaʼa rí gíʼdoo numuu náa fe. Ma̱ngaa nambáyulúʼ mbuʼyáá á mu ndayóoʼ muguaʼdáá itháan fe.

A̱jma̱ artículo rígi̱ nambáyulúʼ mundxaʼwamíjna̱ xú káʼnii Jeobá nasngájmulúʼ rí nandoo kaʼyulúʼ ga̱jma̱a̱ xú káʼnii gándoo gusngajmáá rí nandulúʼ kuʼyáá. Rígi̱ gambáyulú mu makuwáanʼ gagi.