Atanda̱ʼa̱a̱ Dios rí maʼni tsajkurámáánʼ

Dios nimínáanʼlu mbá rí kiejunʼ. Rí ma̱ndoo muʼtámíjná gajmiúlú ikhaa ga̱jma̱a̱ rí ma̱ndoo muʼthán rí nakumulú. Gaʼyee David niʼthúu̱n Dios: “Ikhaa bi̱ naʼdxawun índo̱ nugríga̱a̱, náa ikháán gaguwáʼ xúgínʼ xa̱bu̱” (Salmo 65:2). Mú, xú káʼnii gándoo gúʼtakáñii Dios mu maʼdxawunlu ga̱jma̱a̱ mu maʼni tsajkurámáanʼlu rá.

GANI̱NDXA̱ʼ XA̱BU̱ GUABAAʼ GA̱JMA̱A̱ ARATHÁ RÍ NAKU̱MA̱ʼ

Salmo 62:8 naʼthí: “Náa inuu ikhaa guxnaxí a̱jkia̱la”. Índo̱ nuʼtákáñii Dios ma̱ndoo muʼthán xúgíʼ rí nakumulú. Bi̱ gíʼdoo xúgíʼ tsiakii ndaʼyamajkuu wéñuʼ índo̱ nuʼtháán ga̱jma̱a̱ xúgíʼ a̱jkiu̱lú.

GAJMAAʼ MBIʼYUU DIOS ÍNDO̱ MARATHA̱A̱N

Maski ajndu Dios mbaʼa xóo ethán, mú gíʼdoo káaʼ mbóó mbiʼyuu. “Ikhúúnʼ ni̱ndxu̱ʼ Jeobá. Xúʼko̱ mbiʼyuʼ” (Isaías 42:8). Mbiʼyuu Dios, Jeobá, na̱ʼkha̱ itháan rí juwan míi nuthu náa Biblia. Mbaʼin gaʼyee nijmún mbiʼyuu Dios índo̱ nitháán. Gaʼyee Abrahán niʼthí: “Jeobá, mbá péñu [...], atatsíñunʼ matha̱nʼ xóó” (Génesis 18:30). Ikháanʼ mangáanʼ gíʼmáanʼ majmulú mbiʼyuu Dios, Jeobá, índo̱ nuʼtákáñii.

ARATÁJKÁAN NÁA AJNGÁAʼ

Dios nakro̱ʼo̱o̱ rí nundxa̱ʼwa̱míjna̱lu ga̱jma̱a̱ rí nakumulú, tséʼniuu má xkáʼnii ajngáa eʼthálú. Náa Ajngá rawunʼ naʼthúlú: “Dios tsiraʼwíin xa̱bu̱, ikhaa nagruiguíin bi̱ namiñun kuyáá ga̱jma̱a̱ bi̱ nuni rí májánʼ, tséʼniuu asndu náá má xuajñún” (Hechos 10:34, 35).

Mu Dios ma’ni tsajkurámáanʼlu, xáʼdu̱u̱ rí káaʼ muʼtákáñii. Náa i̱ʼwáʼ artículos mbuʼyáá ndiéjunʼ itháan xóó eyóoʼ mu̱ʼni̱.